ກອງປະຊຸມຄະນະກຳມະການຮ່ວມມືເຊື່ອມຈອດລະຫວ່າງຈີນ-ອາຊຽນຄັ້ງທີ 3 ໄດ້ຈັດຂຶ້ນຢູ່ນະຄອນຫຼວງຈາກາຕາປະເທດອິນໂດເນເຊຍໃນວັນທີ 25 ກໍລະກົດນີ້ ໂດຍທັງສອງຝ່າຍໄດ້ເປັນເອກະພາບກ່ຽວກັບການເພີ່ມທະວີການຮ່ວມມືເຊື່ອມຈອດກັນ.
ສອງຝ່າຍເຫັນພ້ອມກັນວ່າ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຂອງຈີນສອດຄ່ອງກັບຍຸດທະສາດ "ແຜນແມ່ບົດເຊື່ອມຈອດກັນຂອງອາຊຽນປີ 2025" ເຊິ່ງສອງຝ່າຍມີຄວາມສາມາດບົ່ມຊ້ອນໃນການພັດທະນາຮ່ວມຢ່າງຫຼວງຫຼາຍ. ຂະນະດຽວກັນກໍຈະສືບຕໍ່ເຮັດໃຫ້ແຜນການເຊື່ອມກັນ ແລະປຶກສາຫາລືໃນຂົງເຂດແລະໂຄງການບຸລິມະສິດດ້ານການຮ່ວມມືໃນອະນາຄົດ, ສົ່ງເສີມໃຫ້ວິສາຫະກິດດຳເນີນການຮ່ວມມືທີ່ຕິດແທດຕົວຈິງ, ສະໜັບສະໜູນອາຊຽນຜັນຂະຫຍາຍ "ແຜນແມ່ບົດເຊື່ອມຈອດກັນອາຊຽນປີ 2025" ເພື່ອເຮັດໃຫ້ການເຊື່ອມຈອດກັນລະຫວ່າງສອງຝ່າຍກ້າວໄປໜ້າ ແລະນຳເອົາຜົນປະໂຫຍດຕົວຈິງມາສູ່ປະຊາຊົນພາກພື້ນໃຫ້ຫຼາຍກວ່າເກົ່າ ແລະຊຸກຍູ້ສາຍພົວພັນຈີນ-ອາຊຽນກ້າວຂຶ້ນສູ່ລະດັບໃໝ່.