ກອງປະຊຸມເວທີປຶກສາຫາລືການຮ່ວມມືການລົງທຶນແລະພັດທະນາຈີນ-ໄທ ກໍຄືການໂຄສະນາການລົງທຶນແລວທາງເສດຖະກິດພາກຕາເວັນອອກໄທໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 24 ກໍລະກົດນີ້ ໂດຍທ່ານຈ່າງຫົງລີ້ ຮອງຜູ້ອຳນວຍການທະນາຄານ ICBC, ທ່ານກະນິດ ແສງສຸບັນ ເລຂາທິການຫ້ອງການພັດທະນາແລວທາງເສດຖະກິດພາກຕາເວັນອອກໄທ ແລະເຈົ້າໜ້າທີ່ອື່ນໆ ພ້ອມດ້ວຍນັກທຸລະກິດຈີນຮ້ອຍກວ່າຄົນເຂົ້າຮ່ວມ.
ທ່ານກະນິດແລະເຈົ້າໜ້າທີ່ຄະນະກຳມະການສົ່ງເສີມການລົງທຶນໄທ ແລະຫ້ອງການຄຸ້ມຄອງນິຄົມອຸດສາຫະກຳໄທຕ່າງກໍໄດ້ແນະນຳສະພາບທີ່ກ່ຽວຂ້ອງກັບແລວທາງເສດຖະກິດພາກຕາເວັນອອກຂອງໄທ ລວມທັງສະພາບແວດລ້ອມການລົງທຶນ, ພື້ນຖານໂຄງລ່າງ, ໂຄງການພັດທະນາທີ່ສຳຄັນ, ນະໂຍບາຍບຸລິມະສິດດ້ານພາສີ, ນະໂຍບາຍທີ່ດິນ, ວີຊາເຮັດວຽກ ແລະອື່ນໆ ເພື່ອຊັກຊວນນັກທຸລະກິດຈີນໄປລົງທຶນແລະຮ່ວມມືຢູ່ໄທ.