ປະທານປະເທດຈີນເນັ້ນຊຸກຍູ້ການປະຕິຮູບວຽກງານປ້ອງກັນປະເທດແລະກອງທັບ
2017-07-26 17:02:53 cri
ຕອນບ່າຍວັນທີ 24 ກໍລະກົດນີ້, ກົມການເມືອງສູນກາງພັກກອມມູນິດຈີນ ໄດ້ຈັດຕັ້ງການຮ່ຳຮຽນເອກະສານຄັ້ງທີ 42 ກ່ຽວກັບການຊຸກຍູ້ການປະຕິຮູບອົງປະກອບຂະໜາດແລະກຳລັງຂອງກອງທັບ ແລະສ້າງລະບົບກຳລັງທະຫານທັນສະໄໝທີ່ມີສີສັນພິເສດຂອງຈີນຄືນໃໝ່ ໂດຍທ່ານ ສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ເປັນປະທານ ແລະໃນໂອກາດດັ່ງກ່າວ, ທ່ານໄດ້ເນັ້ນວ່າ, ການລົງເລິກການປະຕິຮູບວຽກງານປ້ອງກັນປະເທດແລະກອງທັບ ແມ່ນບັ້ນຮົບເພື່ອແກ້ໄຂຄວາມຫຍຸ້ງຍາກ ເຊິ່ງກອງທັບຕ້ອງພະຍາຍາມຢ່າງສຸດຂີດ, ທົ່ວພັກທົ່ວລັດແລະທົ່ວປວງຊົນຕ້ອງສະໜັບສະໜູນຢ່າງແຂງແຮງ, ຍຶດໝັ້ນກອງທັບແລະທ້ອງຖິ່ນເປັນຈິດໜຶ່ງໃຈດຽວກັນ, ຮ່ວມແຮງຮ່ວມໃຈເພື່ອເຮັດຫຼ້ອນໜ້າທີ່ປະຕິຮູບກອງທັບແລະທ້ອງຖິ່ນ, ສະໜັບສະໜູນການປະຕິຮູບວຽກງານປ້ອງກັນປະເທດແລະກອງທັບດ້ວຍການກະທຳຕົວຈິງ ແລະເສີມຂະຫຍາຍທ່າແຮງດ້ານການເມືອງບົນພື້ນຖານຄວາມສາມັກຄີລະຫວ່າງກອງທັບ, ການເມືອງ ແລະປະຊາຊົນນັ້ນ ໃຫ້ກາຍເປັນກຳລັງອັນແຂງແຮງເພື່ອຊຸກຍູ້ການປະຕິຮູບແລະສ້າງກອງທັບໃຫ້ເຂັ້ມແຂງ.
