ຕອນຄ່ຳວັນທີ 25 ກໍລະກົດນີ້ ລັດຖະບານມຽນມາຢືນຢັນວ່າ, ຢູ່ເຂດຕາວອຍ ແຂວງຕານິນທອາຣີ ທາງພາກໃຕ້ຂອງປະເທດຕົນໄດ້ເກີດພະຍາດໄຂ້ຫວັດສັດປີກ ສາຍພັນ H5N1.
ກະຊວງສາທາລະນະສຸກແລະການກິລາຂອງມຽນມາໄດ້ອອກແຈ້ງການໃນວັນທີ 25 ກໍລະກົດນີ້ວ່າ ຟາມລ້ຽງສັດປີກຫຼາຍແຫ່ງຢູ່ເຂດຕາວອຍໄດ້ກວດພົບພະຍາດໄຂ້ຫວັດສັດປີກສາຍພັນ H5N1. ເພື່ອປ້ອງກັນບໍ່ໃຫ້ພະຍາດແຜ່ລະບາດເປັນບໍລິເວນກວ້າງ, ທາງການໄດ້ຈັ ຂ້າສັດປີກແລ້ວ1800 ໂຕ. ອົງການປົກຄອງເຂດຕາວອຍໄດ້ປະກາດຫ້າມບໍ່ໃຫ້ຂາຍໄກ່ ແລະໄຂ່ໄກ່ຢູ່ຕະຫຼາດ. ທັງນີ້ ຕົວຢ່າງຂອງສັດປີກທີ່ຕາຍຢູ່ຟາມລ້ຽງຈຳນວນໜຶ່ງໄດ້ສົ່ງໄປກວດຢູ່ຫ້ອງທົດລອງໃນນະຄອນຢ້າງກຸງ ແລະກໍໄດ້ຮັບການຢືນຢັນວ່າຕິດເຊື້ອພະຍາດໄຂ້ຫວັດສັດປີກສາຍພັນ H5N1.
ມາຮອດປັດຈຸບັນ ຍັງບໍ່ມີການລາຍງານກໍລະນີພະຍາດໄຂ້ຫວັດສັດປີກຕິດຕໍ່ຄົນແຕ່ປະການໃດ.