ທ່ານຣູຮານີ ປະທານາທິບໍດີອີຣານ ກ່າວໃນວັນທີ 26 ກໍລະກົດນີ້ວ່າ: ຖ້າອາເມລິກາຂວ້ຳບາດອີຣານອີກຄັ້ງໃໝ່ ກໍຈະໃຊ້ມາດຕະການຕອບໂຕ້ແນ່ນອນ.
ຂ່າວສານຟາສ ປະເທດອີຣານ ລາຍງານໂດຍອ້າງຕາມຄຳເວົ້າຂອງທ່ານຣູຮານີທີ່ກ່າວໃນກອງປະຊຸມລັດຖະບານໃນວັນດັ່ງກ່າວວ່າ: ເພື່ອປົກປັກຮັກສາຜົນປະໂຫຍດຂອງປະເທດ, ອີຣານຈະໃຊ້ທຸກມາດຕະການທີ່ຈຳເປັນເພື່ອຮັບມືກັບການຂວ້ຳບາດຂອງອາເມລິກາ.
ທັງນີ້, ໃນວັນທີ 25 ກໍລະກົດນີ້, ສະພາຕ່ຳອາເມລິກາໄດ້ຮັບຮອງເອົາມະຕິຂວ້ຳບາດອີຣານ, ຣັດເຊຍ ແລະ ສປປ ເກົາຫຼີດ້ວຍ 419 ສຽງເຫັນດີ ແລະ 3 ສຽງຄັດຄ້ານ ໂດຍອີງຕາມມະຕິດັ່ງກ່າວ, ອາເມລິກາຈະຂວ້ຳບາດອີຣານ ແລະ ສປປ ເກົາຫຼີ ໂດຍເອົາໂຄງການພັດທະນາລູກສອນໄຟນຳວິຖີເປັນຂໍ້ອ້າງ.