ວັນທີ 26 ກໍລະກົດນີ້ ຢູ່ນະຄອນຫຼວງແບັກແດັດປະເທດອີຣັກ, ທ່ານ ເຊີນເຫວີຍຊີ້ງ ເອກອັກຄະລັດຖະທູດຈີນປະຈຳອີຣັກ ແລະ ທ່ານ ຄາຊີມ ອານ ອາຣາຈີ ລັດຖະມົນຕີກະຊວງພາຍໃນປະເທດດັ່ງກ່າວໄດ້ຕາງໜ້າລັດຖະບານຂອງສອງປະເທດລົງນາມໃນບົດບັນທຶກຄວາມເຂົ້າໃຈວ່າດ້ວຍການຮ່ວມມືກັນໂດຍໃນບົດບັນທຶກດັ່ງກ່າວລະບຸຈີນຈະຊ່ວຍເຫຼືອອີຣັກດ້ານມະນຸດສະທຳ.
ທ່ານ ເຊີນເຫວີຍຊີ້ງ ກ່າວຫຼັງລົງນາມວ່າ: ຈີນສະແດງຄວາມຊົມເຊີຍ ປະຊາຊົນອີຣັກໄດ້ຮັບໄຊຊະນະໃນການສູ້ຮົບຕ້ານການກໍ່ການຮ້າຍ ແລະໃນຖານະເປັນເພື່ອນມິດແລະຄູ່ຮ່ວມມືຂອງອີຣັກ, ລັດຖະບານຈີນໄດ້ສະໜັບສະໜູນການແກ້ໄຂຄວາມຫຍຸ້ງຍາກຂອງປະຊາຊົນອີຣັກຍ້ອນຜົນຈາກສົງຄາມ ໂດຍຈະສົ່ງເສີມໃຫ້ວິສາຫະກິດຈີນເຂົ້າມາຮ່ວມສ້າງສາອີຣັກຄືນໃໝ່ຫຼັງສົງຄາມ.
 |
