ວັນທີ 26 ກໍລະກົດນີ້, ລັດຖະບານອັງກິດໄດ້ປະກາດຢ່າງເປັນທາງການວ່າ, ຈະຫ້າມຂາຍລົດແລ່ນດ້ວຍນ້ຳມັນກາຊວນແລະແອັດຊັງແຕ່ປີ 2040 ເປັນຕົ້ນໄປ ແລະໃນໄລຍະນັ້ນ ຈະອະນຸຍາດໃຫ້ຂາຍລົດໃຊ້ພະລັງງານທີ່ເປັນມິດຕໍ່ສິ່ງແວດລ້ອມ ເຊັ່ນ ລົດພະລັງງານໝໍ້ໄຟ ເປັນຕົ້ນ.
ແຜນການແກ້ໄຂມົນລະພິດຕາມຖະໜົນທີ່ເຈົ້າໜ້າທີ່ກະຊວງສິ່ງແວດລ້ອມ, ອາຫານແລະວຽກງານຊົນນະບົດອັງກິດເປີດເຜີຍໃນມື້ດຽວກັນສະແດງໃຫ້ເຫັນວ່າ, ລັດຖະບານປະເທດດັ່ງກ່າວມີຄວາມເດັດຂາດບໍ່ໃຫ້ລົດແລ່ນດ້ວຍນ້ຳມັນກາຊວນແລະແອັດຊັງແລ່ນຕາມທາງໃນປີ 2050 ເຊິ່ງໝາຍຄວາມວ່າ ເລີ່ມແຕ່ປີ 2040 ເປັນຕົ້ນໄປ ລັດຖະບານຈະບໍ່ອະນຸຍາດໃຫ້ຂາຍລົດປະເພດດັ່ງກ່າວ.
ຂະນະທີ່ຕົ້ນເດືອນນີ້, ຝຣັ່ງແລະນອກແວກໍໄດ້ປະກາດຫ້າມຂາຍລົດປະເພດດັ່ງກ່າວເມື່ອຮອດປີ 2040 ແລະ ກ່ອນປີ 2025 ຕາມລຳດັບ.