ສື່ມວນຊົນລາວລາຍງານວ່າ: ເມື່ອບໍ່ດົນມານີ້, ໃນກອງປະຊຸມຄະນະລັດຖະບານປະຈຳເດືອນກໍລະກົດ ໄດ້ຮຽກຮ້ອງໃຫ້ພາກສ່ວນທີ່ກ່ຽວຂ້ອງນຳໃຊ້ມາດຕະການ ເພື່ອຮັບປະກັນຄວາມຄືບໜ້າຂອງໂຄງການກໍ່ສ້າງທາງລົດໄຟຈີນ-ລາວ ແລະ ໂຄງການທາງລົດໄຟໄທ-ລາວໄລຍະ 2.
ທັງນີ້, ໜັງສືພິມວຽງຈັນທາມສ໌ສະບັບວັນທີ 27 ກໍລະກົດນີ້ ໄດ້ລາຍງານວ່າ: ກອງປະຊຸມຄະນະລັດຖະບານ ເນັ້ນວ່າ ຄວນຄຸ້ມຄອງອຸປະກອນຕ່າງໆ, ນ້ຳມັນເຊື້ອໄຟ ແລະ ລົດຕ່າງໆທີ່ຮັບໃຊ້ໃນການກໍ່ສ້າງທາງລົດໄຟຈີນ-ລາວ, ໃຫ້ຄວາມສຳຄັນຕໍ່ການພັດທະນາຊັບພະຍາກອນມະນຸດຂະນະທີ່ກໍ່ສ້າງໂຄງການດັ່ງກ່າວ ແລະຕາມແຜນການແລ້ວ, ທາງລົດໄຟຈີນ-ລາວຈະກໍ່ສ້າງສຳເລັດກ່ອນວັນທີ 31 ທັນວາປີ 2021 ແລະຈະເປີດບໍລິການໃນຕົ້ນປີ 2022.
