ໃນວັນທີ 27 ກໍລະກົດນີ້, ຊາວມຸສລິມປາແລັສຕິນຫຼາຍພັນຄົນທີ່ກັບເຂົ້າໄປອະທິຖານຢູ່ສຸເຫຼົ່າອັກຊາທີ່ຕັ້ງຢູ່ເຂດວັດພູ (ຊາວມຸສລິມເອີ້ນວ່າ ສະຖານທີ່ສັກສິດສູງສົ່ງ) ກໍໄດ້ປະທະກັບເຈົ້າໜ້າທີ່ຕຳຫຼວດອິສຣາແອນຢ່າງຮຸນແຮງ ສົ່ງຜົນເຮັດໃຫ້ຊາວປາແລັສຕິນຢ່າງໜ້ອຍ 113 ຄົນໄດ້ຮັບບາດເຈັບ.
ຕອນເຊົ້າວັນທີ 27 ກໍລະກົດນີ້, ອິສຣາແອນ ໄດ້ຖອນອຸປະກອນກວດກາຄວາມປອດໄພທີ່ຕິດຕັ້ງໃໝ່ຫຼັງວັນທີ 14 ເດືອນດຽວກັນນັ້ນແລ້ວ. ຂະນະທີ່ທ່ານເຊອິກ ມູຮາມັດ ອາມັດ ຮູເຊອິນ ຜູ້ນຳສາສະໜາອິສລາມ ກໍໄດ້ປະກາດວ່າ: ການເຄື່ອນໄຫວຂອງຊາວມຸສລິມເພື່ອຕໍ່ຕ້ານມາດຕະການຕິດຕັ້ງອຸປະກອນກວດກາຄວາມປອດໄພເພີ່ມຢູ່ສະຖານທີ່ສັກສິດສູງສົ່ງນັ້ນໄດ້ສິ້ນສຸດລົງ ແລະສາມາດເຂົ້າໄປອະທິຖານໄດ້.
ສື່ມວນຊົນທ້ອງຖິ່ນລາຍງານວ່າ: ໃນວັນດັ່ງກ່າວ, ມີຊາວມຸສລິມຈຳນວນຫຼາຍໄດ້ເຂົ້າໄປໃນສຸເຫຼົ່າອັກຊາ ແລະ ບໍ່ສາມາດຄວບຄຸມອາລົມໄດ້, ຂະນະດຽວກັນ, ເຈົ້າໜ້າທີ່ຕຳຫຼວດອິສຣາແອນກໍໄດ້ໃຊ້ລະເບີດແສງຂະນະທີ່ຮັກສາຄວາມເປັນລະບຽບຮຽບຮ້ອຍ ອັນນຳມາສູ່ການເກີດປະທະກັນລະຫວ່າງສອງຝ່າຍ.