ຕອນບ່າຍວັນທີ 27 ກໍລະກົດນີ້ຕາມເວລາທ້ອງຖິ່ນ, ກຳປັ່ນຂັບໄລ່ດ້ວຍລູກສອນໄຟເຮີເຟີຍ,ກຳປັ່ນປ້ອງກັນລູກສອນໄຟຢຸ້ນເຊີງຂອງກອງທັບເຮືອຈີນໄດ້ເດີນທາງເຖິງຊັນປີເຕີສເບີກ,ແລະທຽບທ່າກຳປັ່ນລູເທັນເນັດສະມິດ,ເຊິ່ງເປັນການບົ່ງບອກໃຫ້ຮູ້ວ່າໄດ້ສຳເລັດການຊ້ອມຮົບຮ່ວມເທິງທະເລລະຫວ່າງຈີນ-ຣັດເຊຍ 2017 ໄລຍະທີໜຶ່ງແລ້ວ.
ໜ່ວຍກຳປັ່ນທີ່ເຂົ້າຮ່ວມການຊ້ອມຮົບຂອງກອງທັບເຮືອຈີນໄດ້ອອກເດີນທາງຈາກເມືອງຊ່ານຢ້າແຂວງໄຫຫຼຳໃນວັນທີ 18 ມິຖຸນານີ້ ແລະເດີນທາງເຖິງທ່າກຳປັ່ນບານຕິກຂອງຣັດເຊຍໃນວັນທີ 21 ກໍລະກົດນີ້ ແລະອອກຈາກທ່າກຳປັ່ນໃນວັນທີ 25 ກໍລະກົດນີ້ເພື່ອເຂົ້າຮ່ວມແລະປະຕິບັດໜ້າທີ່ຝຶກຊ້ອມເທິງທະເລ. ໃນໄລຍະຝຶກຊ້ອມ, ນາຍແລະພົນທະຫານຈີນແລະຣັດເຊຍໄດ້ສຳເລັດການຝຶກຊ້ອມ 6 ລາຍການເຊັ່ນ:ການຍິງດ້ວຍລູກລະເບີດລົງທະເລ, ການປ້ອງກັນທາງອາກາດ,ການຂຶ້ນກຳປັ່ນເພື່ອກວດກາ,ການຄົ້ນຫາແລະຊ່ວຍເຫຼືອ,ການສ້າງພະລະທິການຢູ່ກຳປັ່ນ,ການຄົ້ນຫາແລະຊ່ວຍເຫຼືອເຮືອທີ່ເກີດອຸບັດເຫດແລະອື່ນໆ.