ບໍລິສັດເອມາຊອນທີ່ເປັນບໍລິສັດການຄ້າເອເລັກໂຕຣນິກໃຫຍ່ທີ່ສຸດຂອງອາເມລິກາ ໄດ້ປະກາດໃນວັນທີ 27 ກໍລະກົດນີ້ວ່າ, ຈະເລີ່ມເປີດບໍລິການສົ່ງສິນຄ້າພາຍໃນ 2 ຊົ່ວໂມງຢູ່ສິງກະໂປໃນອາທິດນີ້ ເພື່ອໃຫ້ທັນຕາມສະແສສູງແຫ່ງການຊື້ສິນຄ້າຜ່ານທາງອິນເຕີເນັດທີ່ພັດທະນາຢ່າງວ່ອງໄວໃນອາຊີຕາເວັນອອກສຽງໃຕ້ ແລະຄອງຕະຫຼາດພາກພື້ນດັ່ງກ່າວ.
ບໍລິສັດດັ່ງກ່າວເປີດເຜີຍວ່າ, ຈະສ້າງຕັ້ງແລະເປີດທຸລະກິດສູນແບ່ງປະເພດສິນຄ້າທີ່ມີເນື້ອທີ່ໃຫຍ່ກວ່າສະໜາມບານເຕະຢູ່ສິງກະໂປ ແລະສັນຍາວ່າ, ຈະສົ່ງສິນຄ້າຫຼາຍກວ່າໝື່ນຊະນິດໂດຍບໍ່ເກັບຄ່ານຳຜູ້ບໍລິໂພກທີ່ຊື້ສິນຄ້າລາຄາສູງກວ່າ 40 ໂດລາສິງກະໂປນັ້ນພາຍໃນ 2 ຊົ່ວໂມງ.