ຈີນທວງໃຫ້ສປປເກົາຫຼີເຄົາລົບມະຕິຕົກລົງຂອງສະພາຄວາມໝັ້ນຄົງສະຫະປະຊາຊາດ
2017-07-29 16:35:42 cri
ກ່ຽວກັບເລື່ອງສປປເກົາຫຼີປະກາດວ່າໄດ້ຍິງສົ່ງລູກສອນໄຟນຳວິຖີຂ້າມທະວີບຢ່າງສຳເລັດຜົນອີກຄັ້ງໜຶ່ງ,ວັນທີ 29 ກໍລະກົດນີ້ ທ່ານເກີງສວງ ໂຄສົກກະຊວງການຕ່າງປະເທດຈີນໄດ້ກ່າວວ່າ, ຈີນທວງໃຫ້ສປປເກົາຫຼີຈົ່ງເຄົາລົບມະຕິຕົກລົງທີ່ກ່ຽວຂ້ອງຂອງສະພາຄວາມໝັ້ນຄົງສະຫະປະຊາຊາດ, ຢຸດຕິໃຊ້ການເຄື່ອນໄຫວທີ່ອາດຈະເຮັດໃຫ້ສະຖານະການແຫຼມເກົາຫຼີເຄັ່ງຕຶງຂຶ້ນຕຶ່ມອີກ. ພ້ອມກັນນັ້ນ ກໍຫວັງໃຫ້ທຸກຝ່າຍທີ່ກ່ຽວຂ້ອງຈົ່ງມີການກະທຳທີ່ລະມັດລະວັງ,ເພື່ອຫຼີກເວັ້ນບໍ່ໃຫ້ສະຖານະການເຄັ່ງຕຶງຂຶ້ນຕື່ມອີກ, ຮ່ວມກັນປົກປັກຮັກສາສັນຕິພາບແລະສະຖຽນລະພາບຂອງພາກພື້ນແຫ່ງນີ້.
