ວັນທີ 28 ກໍລະກົດນີ້, ທ່ານນາງລິວຢຽນຕົງ ຮອງນາຍົກລັດຖະມົນຕີຈີນໄດ້ພົບປະກັບທ່ານສອນໄຊ ສີພັນດອນ ຮອງນາຍົກລັດຖະມົນຕີລາວທີ່ໄປເຂົ້າຮ່ວມກິດຈະການສັບປະດາແລກປ່ຽນດ້ານການສຶກສາລະຫວ່າງຈີນກັບອາຊຽນຄັ້ງທີ 10 ຢູ່ນະຄອນກຸ້ຍຢາງແຂວງກຸ້ຍໂຈ່ວຈີນ.
ທ່ານນາງລິວຢຽນຕົງກ່າວວ່າ, ສອງຝ່າຍຕ້ອງຈັດຕັ້ງປະຕິບັດຄວາມຮັບຮູ້ທີ່ເປັນເອກະພາບກັນອັນສຳຄັນລະຫວ່າງປະມຸກລັດຈີນລາວກ່ຽວກັບການຊຸກຍູ້ການຮ່ວມມືຍຸດທະສາດຮອບດ້ານ, ເພີ່ມທະວີການແລກປ່ຽນທາງຍຸດທະສາດ, ເຮັດໃຫ້ທັງສອງຝ່າຍມີຜົນປະໂຫຍດຮ່ວມຫຼາຍກວ່າເກົ່າ, ມີການໄປມາຫາສູ່ກັນດ້ານວັດທະນະທຳໃຫ້ແໜ້ນແຟ້ນຂຶ້ນ,ຊຸກຍູ້ໃຫ້ການພົວພັນລະຫວ່າງຈີນກັບລາວກ້າວຂຶ້ນສູ່ລະດັບໃໝ່, ຈີນຍິນດີຮ່ວມກັບລາວຊຸກຍູ້ການແລກປ່ຽນດ້ານວັດທະນະທຳ, ເພື່ອເຮັດໃຫ້ມັນພ້ອມກັນກັບຄວາມໄວ້ເນື້ອເຊື່ອໃຈທາງການເມືອງແລະການຮ່ວມມືທາງເສດຖະກິດການຄ້າ ກາຍເປັນ 3 ເສົາຄ້ຳໃຫຍ່ແຫ່ງການພົວພັນລະຫວ່າງຈີນກັບອາຊຽນ.
ທ່ານສອນໄຊກ່າວວ່າ ຍິນດີທຳຄວາມພະຍາຍາມຮ່ວມກັບຈີນ, ເພື່ອຊູກຍູ້ໃຫ້ການຮ່ວມມືໃນຂົງເຂດຕ່າງໆລະຫວ່າງສອງຊາດລາວຈີນແລະລະຫວ່າງອາຊຽນກັບຈີນ ເຊັ່ນ:ການແລກປ່ຽນດ້ານວັດທະນະທຳມະນຸດແລະອື່ນໆກ້າວໄປສູ່ລວງເລິກ.
 |
