ພິທີໄຂກິດຈະການສັບປະດາແລກປ່ຽນດ້ານການສຶກສາຈີນອາຊຽນຄັ້ງທີ10ໄດ້ຈັດຂຶ້ນຢູ່ນະຄອນກຸ້ຍຢາງຂອງຈີນໃນວັນທີ 28 ກໍລະກົດນີ້. ທ່ານນາງລິວຢຽນຕົງ ຮອງນາຍົກລັດຖະມົນຕີຈີນໄດ້ເຂົ້າຮ່ວມແລະກ່າວຄຳປາໄສເພື່ອບັນລະຍາຍຈຸດປະສົງ.
ກິດຈະການດັ່ງກ່າວນີ້ມີຫົວຂໍ້ວ່າ "ເກາະແຂນກັນ10ປີເພື່ອການສຶກສາ, ສ້າງບົດໃໝ່ແຫ່ງ ໜຶ່ງແລວທາງໜຶ່ງເສັ້ນທາງ", ໂດຍມີແຂກຈີນແລະຕ່າງປະເທດຫຼາຍກວ່າ 1300 ຄົນເຂົ້າຮ່ວມ.
ທ່ານນາງລິວຢຽນຕົງກ່າວວ່າ, ປີນີ້ແມ່ນປີສະຖາປະນາອາຊຽນຄົບຮອບ 50 ປີ. ຈີນໃຫ້ບູລິມະສິດແກ່ການຂະຫຍາຍການພົວພັນກັບອາຊຽນຢ່າງສະເໝີຕົ້ນສະເໝີປາຍ, ການພົວພັນລະຫວ່າງສອງຝ່າຍໄດ້ມີການຂະຫຍາຍຕົວຢ່າງຫຼວງຫຼາຍ, ແລະໄດ້ກາຍເປັນການພົວພັນແບບໜຶ່ງທີ່ມີເນື້ອໃນຫຼາຍທີ່ສຸດແລະມີພະລັງຊີວິດຫຼາຍທີ່ສຸດໃນການພົວພັນຄູ່ຮ່ວມມືຫຼາຍຮູບແບບລະຫວ່າງປະເທດອາຊຽນ. ການພົວພັນລະຫວ່າງຈີນກັບອາຊຽນພວມກ້າວຈາກໄລຍະເຕີບໃຫຍ່ກ້ເຂົ້າສູ່ໄລຍະສຸກງອມ, ໄດ້ຢູ່ເໜືອຂອບເຂດການພົວພັນສອງຝ່າຍ, ແລະມີຄວາມໝາຍພາກພື້ນກໍຄືທົ່ວໂລກນັບມື້ນັບຫຼາຍຂຶ້ນ.
ທ່ານນາງລີວຢຽນຕົງກ່າວວ່າ, ກິດຈະການສັບປະດາແລກປ່ຽນດ້ານການສຶກສາຈີນ-ອາຊຽນຈັດຂຶ້ນມາເປັນເວລາ 10 ປີ, ໄດ້ກາຍເປັນເວທີຍອດຢ້ຽມແຫ່ງການຮ່ວມມືດ້ານການສຶກສາແລະການແລກປ່ຽນດ້ານວັດທະນະທຳ, ແລະໄດ້ກາຍເປັນຂົວທີ່ໝັ້ນຄົງລະຫວ່າງສອງຝ່າຍໃນການຖອດຖອນບົດຮຽນເຊິ່ງກັນແລະກັນ ແລະດຳເນີນການຮ່ວມມືທີ່ຕ່າງຝ່າຍຕ່າງໄດ້ຮັບຜົນປະໂຫຍດ. ຢືນຢູ່ຈຸດເລີ່ມຕົ້ນໃໝ່, ສອງຝ່າຍຄວນເອົາໃຈໃສ່ນຳການພົວພັນຄູ່ຮ່ວມມືຍຸດທະສາດທີ່ອວ່າຍໜ້າໄປສູ່ສັນຕິພາບແລະຄວາມຈະເລີນຮຸ່ງເຮືອງ, ເພີ່ມທະວີການແລກປ່ຽນດ້ານວັດທະນະທຳ, ເປີດກວ້າງຊ່ອງທາງການຮ່ວມມືໃນຂົງເຂດຕ່າງໆ,ປົ່ມເພາະພື້ນຖານປະຊາມະຕິສັງຄົມທີ່ຮ່ວມມືຢ່າງມີໄມຕີຈິດມິດຕະພາບ. ຄວນໝູນອ້ອມການສ້າງສາໜຶ່ງແລວທາງໜຶ່ງເສັ້ນທາງມາຊຸກຍູ້ການເຊື່ອມຕໍ່ທາງຍຸດທະສາດ, ປັບປຸງເວທີການແລກປ່ຽນດ້ານການສຶກສາຈີນ-ອາຊຽນໃຫ້ດີຂຶ້ນ, ເພີ່ມທະວີການອົບຮົມຜູ້ມີຄວາມຮູ້ຄວາມສາມາດ, ລົງເລິກການຮ່ວມມືຂອງຄັງປັນຍາ, ດຳເນີນການຄົ້ນຄວ້າຮ່ວມ, ປະກອບສ່ວນອັນໃໝ່ເຂົ້າໃນການສ້າງປະຊາຄົມຊະຕະກຳທີ່ແໜ້ນແຟ້ນກວ່າເກົ່າ, ແລະສ້າງອີກ 10 ປີທີ່ມີຄວາມສະຫງ່າງາມ.