ຕາມຂ່າວCRI: ວັນທີ 28ກໍລະດົດນີ້ທ່ານສີຈິ້ນຜິງປະທານປະເທດຈີນໄດ້ຕ້ອນຮັບການເຂົ້າຢ້ຽມຄຳນັບຂອງຫົວໜ້າຄະນະຜູ້ ແທນຕ່າງປະເທດຕ່າງໆທີ່ເດີນທາງມາຈີນເພື່ອເຂົ້າຮ່ວມກອງປະຊຸມຜູ້ແທນຊັ້ນສູງດ້ານວຽກງານ ຄວາມໝັ້ນຄົງຂອງປະເທດບຼິກສ໌ຄັ້ງທີ 7 ຢູ່ຫໍປະຊຸມປະຊາຊົນທີ່ນະຄອນຫຼວງປັກກິ່ງຂອງຈີນ.
ທ່ານສີຈິ້ນຜີງໄດ້ສະແດງຄວາມຊົມເຊີຍຕໍ່ກອງປະຊຸມຜູ້ແທນຊັັ້ນສູງດ້ານວຽກງານຂອງປະເທດບຼິຄສຄັ້ງທີ 7 ທີ່ໄດ້ຈັດຂຶ້ນຢ່າງສຳເລັດຜົນ, ໄດ້ຢືນຢັນຕໍ່ຄວາມຮັບຮູ້ທີ່ເປັນເອກະພາບກັນທີ່ບັນລຸໃນກອງປະຊຸມແລະການກະກຽມທາງການເມືອງທີ່ສຳຄັນເພື່ອການພົບປະລະຫວ່າງບັນດາຜູ້ນຳຂອງປະເທດບຼິກສ໌ທີ່ຈະຂັດຂຶ້ນຢູ່ນະຄອນເຊ້ຍເມີນ. ທ່ານສີຈິ້ນຜີງຊີ້ອອກວ່າ, ການເພີ່ມທະວີການຮ່ວມມືລະຫວ່າງປະເທດບຼິກສ໌,ບໍ່ພຽງແຕ່ໄດ້ປົກປ້ອງແລະຂະຫຍາຍຜົນປະໂຫຍດຂອງ 5 ປະເທດ, ພວກເຮົາເທົ່ານັ້ນກໍໄດ້ດຳເນີນການສຳຫຼວດທີ່ມີຄວາມໝາຍເພື່ອສ້າງສາພົວພັນສາກົນແບບໃໝ່. ໂດຍປະເຊີນໜ້າກັບສະຖານະການດ້ານການເມືອງ, ເສດຖະກິດ, ຄວາມໝັ້ນຄົງທີ່ສັບສົນຂອງໂລກ, ແລະພິຈາລະນາເຖິງຄວາມຮຽກຮ້ອງຕ້ອງການໂດຍທົ່ວໄປດ້ານການແລກປ່ຽນແລະຮ່ວມມືຂອງປະຊາຊົນປະເທດບຼິກສ໌, ການຮ່ວມມືດ້ານເສດຖະກິດແລະການທະນາຄານ,ການແລກປ່ຽນຖອດຖອນບົດຮຽນດ້ານວັດທະນະທຳ, ການຕິດຕໍ່ປະສານງານດ້ານຄວາມໝັ້ນຄົງຕ້ອງໄດ້ຮັບການຊຸກຍູ້ໃຫ້ກ້າວໄປໜ້າພ້ອມກັນ, ແລ້ວເສັ້ນທາງການພັດທະນາຂອງປະເທດບຼິກສ໌ຈຶ່ງຈະນັບມື້ນັບກວ້າງຂວາງກວ່າເກົ່າ, ບາດກ້າວຈຶ່ງຈະໜັກແໜ້ນແລະເດີນໄກໄດ້.
ທ່ານສີຈິ້ນຜີງຍັງກ່າວເນັ້ນວ່າ, ຈີນສະເໜີໃຫ້ປະຊາຄົມໂລກພະຍາຍາມຮ່ວມກັນ, ຊຸກຍູ້ໃຫ້ເສດຖະກິດໂລກມີການພັດທະນາແບບຍືນຍົງ, ຊຸກຍູ້ໃຫ້ ເສດຖະກິດໂລກາພິວັດຂະຫຍາຍໄປສູ່ທິດທາງທີ່ຍຸດຕິທຳ, ເຊື່ອມໂຍງເຂົ້າກັນແລະຍືນຍົງ, ແລະແກ້ໄຂບັນຫາທົ່ວໂລກຈາກດ້ານພື້ນຖານເຊັ່ນລັດທິກໍ່ການຮ້າຍແລະອື່ນໆດ້ວຍການພັດທະນາ. ທະແນມແຕ່ພວກເຮົາຍຶດຖືນ້ຳໃຈບຼິກສ໌ໄຂປະຕູ, ເຊື່ອມໂຍງເຂົ້າກັນ,ຮ່ວມມືກັນແລະຕ່າງຝ່າຍຕ່າງມີຜົນປະໂຫຍດ, ຮ່ວມມືສ້າງສາການພົວພັນຄູ່ຮ່ວມມືບຼິຄສຢ່າງແໜ້ນແຟ້ນກວ່າເກົ່າ, ກໍ່ຈະມີ 10 ປີຄຳອັນທີ 2 ດ້ານການຮ່ວມມືຂອງປະເທດບຼິຄສ.
ຫົວໜ້າຄະນະຜູ້ແທນຂອງປະເທດຕ່າງໆໄດ້ຝາກຄວາມຢື້ຢາມຖາມຂ່າວຢ່າງຈິງໃຈຈາກຜູ້ນຳຂອງປະເທດຕົນຕໍ່ທ່ານສີິຈິ້ນຜິງ, ກ່າວວ່າ,ພາຍໃຕ້ສະຖານະການໃນປະຈຸບັນ, ປະເທດບຼິຄສຕ້ອງການການເພີ່ມທະວີການຮ່ວມມືແບບສາມັກຄີ, ຮ່ວມກັນຮັບມືກັບການຫັນເປັນທົ່ວໂລກຢ່າງກົງກັນຂ້າມ,ລັດທິກໍ່ການຮ້າຍແລະການທ້າທາຍໃນຂົງເຂດເສດຖະກິດແລະຄວາມໝັ້ນຄົງ, ຍົກສູງຜົນສະທ້ອນໃນວຽກງານໂລກຂອງປະເທດບຼິຄສ. ບັນດາປະເທດໄດ້ສະແດງຄວາມພໍໃຈນຳຜົນສຳເລັດທີ່ໄດ້ຮັບໃນກອງປະຊຸມຜູ້ແທນຊັ້ນສູງດ້ານວຽກງານຄວາມໝັ້ນຄົງຂອງປະເທດບຼິຄສຄັ້ງທີ 7, ກ່າວເນັ້ນວ່າຈະສະໜັບສະໜູນຕໍ່ຂໍ້ລິເລີ່ມເພື່ອເພີ່ມທະວີການຮ່ວມມືໃນຂົງເຂດທີ່ກວ້າງຂວາງຂອງຈີນໃນຖານະເປັນປະເທດປະທານໝູນວຽນ, ຍິນດີປະສານງານຢ່າງໃກ້ຊິດກັບຈີນ, ຮັບປະກັນໃຫ້ການພົບປະລະຫວ່າງຜູ້ນຳປະເທດບຼິຄສທີ່ຈະຈັດຂຶ້ນຢູ່ນະຄອນເຊ້ຍເມີນປີນີ້ຈະໄດ້ຮັບຜົນສຳເລັດຢ່າງຕັ້ງໜ້າ.