ໂຮງງານຜະລິດເຂົ້າໜົມແຫ່ງໜຶ່ງຢູ່ນະຄອນຫຼວງຮ່າໂນ້ຍປະເທດຫວຽດນາມໄດ້ເກີດເຫດລະເບີດໃນວັນທີ 29 ກໍລະກົດນີ້ ເຊິ່ງປັດຈຸບັນໄດ້ເຮັດໃຫ້ມີຜູ້ເສຍຊີວິດ 8 ຄົນ, ບາດເຈັບສາຫັດ 2 ຄົນ. ສື່ມວນຊົນຫວຽດນາມລາຍງານວ່າ: ໂຮງງານທີ່ເກີດເຫດກວມເນື້ອທີ່ປະມານ 170 ຕາແມັດ, ການລະເບີດເຮັດໃຫ້ເກີດໄຟໄໝ້ແຮງ, ເວລານັ້ນ, ເຈົ້າຂອງໂຮງງານພ້ອມກຳມະກອນສ່ວນໜຶ່ງກຳລັງພັກຢູ່ໃນໂຮງງານ ແລະເນື່ອງຈາກປະຕູຂອງໂຮງງານໃສ່ກະແຈໄວ້ຢ່າງແໜ້ນ, ຄົນໃນໂຮງງານຈິ່ງຍາກທີ່ຈະໜີອອກມາໄດ້.
ຜົນການສືບສວນເບື້ອງຕົ້ນສະແດງໃຫ້ເຫັນວ່າ: ກຳມະກອນຈອດໂລຫະຜູ້ໜຶ່ງທີ່ກຳລັງເຮັດວຽກສ້ອມແປງໃນໂຮງງານນັ້ນປະຕິບັດການບໍ່ຖືກຕ້ອງຈິ່ງເຮັດໃຫ້ເກີດເຫດລະເບີດຄັ້ງນີ້.
 |
