ຄະນະຜູ້ແທນໂຄງການເກັບກຳຂ່າວໄລຍະສັ້ນປະຈຳຈີນຂອງສື່ມວນຊົນຊື່ດັງກຳປູເຈຍ 2017ໄດ້ເດີນທາງຢ້ຽມຢາມເຂດປົກຄອງຕົນເອງເຜົ່າຈ້ວງກວາງຊີ ສປ ຈີນແຕ່ວັນທີ 25-30ກໍລະກົດນີ້ໂດຍໄດ້ທັດສະນະສຶກສາສະພາບການພັດທະນາຂອງຂະແໜງການຜະລິດ,ຂະແໜງການເຕັກໂນໂລຊີສູງໃໝ່ຂອງຈີນ. ສຳລັບວັນທີ 29 ກໍລະກົດນີ້, ຄະນະສື່ມສວນຊົນກຳປູເຈຍໄດ້ ຢ້ຽມຢາມສູນກໍ່ສ້າງຊັບພະຍາກອນມະນຸດທາງລົດໄຟຄວາມໄວສູງຈີນຢູ່ວິທະຍາໄລເຕັກນິກວິຊາຊີບທາງລົດໄຟຫຼິວໂຈ່ວ ເຊິ່ງເປັນວິທະຍາໄລອາຊີວະສຶກສາຊັ້ນສູງຂະແໜງວິຊາຄົມມະນາຄົມທາງລົດໄຟແຫ່ງດຽວຢູ່ເຂດພາກຕາເວັນຕົກສຽງໃຕ້ຂອງຈີນ.
ຢູ່ຫ້ອງອົບຮົມວິຊາການຂົນສົ່ງສັງລວມຂອງວິທະຍາໄລດັ່ງກ່າວ, ຄະນະຜູ້ແທນສື່ມວນຊົນກຳປູເຈຍໄດ້ເຫັນພາບຈຳລອງທາງລົດໄຟຄວາມໄວສູງເປັນເທື່ອທຳອິດ. ທ້າວໂປຊາສ ນັກຂ່າວຈາກວິທະຍຸກະຈາຍສຽງແຫ່ງຊາດກຳປູເຈຍບອກວ່າ: ທາງລົດໄຟຄວາມໄວສູງຂອງຈີນສະບາຍທີ່ສຸດແລະການອອກແລະເຂົ້າສະຖານີກໍກົງເວລາທີ່ສຸດ ເຊິ່ງໄດ້ສ້າງການປ່ຽນແປງແລະອຳນວຍຄວາມສະດວກໃຫ້ແກ່ຊີວິດການເປັນຢູ່ຂອງປະຊາຊົນຢ່າງຫຼວງຫຼາຍ ແລະຫວັງວ່າຈີນຈະໄປກໍ່ສ້າງທາງລົດໄຟຄວາມໄວສູງຢູ່ກຳປູເຈຍເພື່ອສົ່ງເສີມການໄປມາຫາສູ່ກັນລະຫວ່າງປະຊາຊົນສອງປະເທດພ້ອມດ້ວຍເສດຖະກິດການຄ້າແລະການລົງທຶນຂອງສອງຝ່າຍ ທັງຊຸກຍູ້ການພັດທະນາເສດຖະກິດຂອງກຳປູເຈຍອີກດ້ວຍ. ຂະນະດຽວກັນກໍຫວັງວ່າ ວິທະຍາໄລເຕັກນິກວິຊາຊີບທາງລົດໄຟຫຼິວໂຈ່ວຈະຮັບນັກສຶກສາກຳປູເຈຍເຂົ້າຄົ້ນຄວ້າຮ່ຳຮຽນຄວາມຮູ້ແລະເຕັກນິກລົດໄຟຄວາມໄວສູງ