ຕາມຂ່າວCRI: ຕອນເຊົ້າວັນທີ 30 ກໍລະກົດນີ້ຕາມເວລາທ້ອງຖິ່ນ, ກຳປັ່ນຂອງກອງທັບເຮືອຈີນເຮີເຟີຍແລະຢູ້ນເຊີງໄດ້ເຂົ້າຮ່ວມສວນສະໜາມເທິງທະເລໃນໂອກາດສະຫຼອງວັນສ້າງຕັ້ງກອງທັບເຮືອຣັດເຊຍຢູ່ເຂດທະເລໃກ້ເກາະຄຣອນສ໌ຕັດເມືອງແຊງ ປີເຕີສ໌ເບີກ.
ການສວນສະໜາມເທິງທະເລຂອງຣັດເຊຍຄັ້ງນີ້ມີຂະໜາດໃຫຍ່ກວ່າຊຸມປີຜ່ານມາ ໂດຍມີກຳປັ່ນຈາກກອງກຳປັ່ນຮົບທະເລບານຕິກ, ກອງກຳປັ່ນຮົບທະເລດຳ, ກອງກຳປັ່ນຮົບພາກເໜືອກໍຄືກອງກຳປັ່ນຮົບເຂດທະເລກາສປຽນລວມທັງນາຍແລະພົນທະຫານຫຼາຍກວ່າ 5.000 ຄົນເຂົ້າຮ່ວມ.
