ສະຖາບັນຄົ້ນຄວ້າວິທະຍາສາດເຕັກໂນໂລຊີຈີນ-ອາຊຽນໄດ້ສ້າງຕັ້ງຂຶ້ນໃນກອງປະຊຸມເວທີປຶກສາຫາລືການຮ່ວມມືວິທະຍາສາດເຕັກໂນໂລຊີຈີນ-ອາຊຽນຄັ້ງທຳອິດທີ່ຈັດຂຶ້ນຢູ່ເຂດໃໝ່ກຸ້ຍອ່ານແຂວງກຸ້ຍໂຈວ່ໃນວັນທີ 29 ກໍລະກົດນີ້ ໂດຍແຂກຮັບເຊີນຈາກຈີນ, ສິງກະໂປ, ໄທ, ມາເລເຊຍແລະປະເທດອື່ນໆໄດ້ເຂົ້າຮ່ວມພິທີດັ່ງກ່າວ.
ມະຫາວິທະຍາໄລທຽນສິນ, ມະຫາວິທະຍາໄລອຸດສາຫະກຳຮາປິນແລະຫຼາຍມະຫາວິທະຍາໄລໄດ້ລິເລີ່ມສ້າງຕັ້ງສະຖາບັນຄົ້ນຄວ້າວິທະຍາສາດເຕັກໂນໂລຊີຈີນ-ອາຊຽນໃນກອງປະຊຸມເວທີປຶກສາຫາລືອະທິການບໍດີມະຫາວິທະຍາໄລສາຍອຸດສາຫະກຳຈີນ-ອາຊຽນທີ່ຈັດຂຶ້ນໃນປີຜ່ານມາ ແລະໄດ້ຮັບການຕອບຮັບຢ່າງຕັ້ງໜ້າຈາກບັນດາມະຫາວິທະຍາໄລໃນສະຫະພັນ ເຊິ່ງແນວຄິດສ້າງຕັ້ງສະຖາບັນດັ່ງກ່າວໄດ້ກາຍເປັນຄວາມຈິງໃນໂອກາດສັບປະດາແລກປ່ຽນການສຶກສາຈີນ-ອາຊຽນຄັ້ງທີ 10 ທີ່ຈັດຂຶ້ນໃນປີນີ້ ແລະຮ່ວມສ້າງຕັ້ງສະຖາບັນຄົ້ນຄວ້າກັບມະຫາວິທະຍາໄລຂອງໄທ, ສິງກະໂປ, ຟີລິບປິນແລະປະເທດອື່ນໆ. ນອກນີ້ຍັງໄດ້ສ້າງຕັ້ງສູນຄົ້ນຄວ້າຕ່າງໆ ເປັນຕົ້ນສູນຄົ້ນຄວ້າທະເລ ເພື່ອຄົ້ນຄວ້າແລະຮ່ວມມືໃນຫົວຂໍ້ທີ່ສອງຝ່າຍສົນໃຈຮ່ວມກັນແລະແລກປ່ຽນເຊິ່ງກັນແລະກັນ.