ກ່ອນໜ້ານີ້ບໍ່ດົນ, ທ່ານເລກວກລີ ຮອງຫົວໜ້າສະຖາບັນການເມືອງແລະການປົກຄອງແຫ່ງຊາດຫວຽດນາມແລະທ່ານເລິມກວກຕວນ ຮອງຫົວໜ້າສະຖາບັນຄົ້ນຄວ້າການກໍ່ສ້າງພັກຂອງສະຖາບັນດັ່ງກ່າວໄດ້ໃຫ້ສຳພາດຕໍ່ນັກຂ່າວCRIຢູ່ນະຄອນຫຼວງປັກກິ່ງໂດຍໄດ້ຊົມເຊີຍບົດບາດການນຳພາຂອງພັກກອມມູນິດຈີນຢ່າງສູງສົ່ງ ທັງອວຍພອນໃຫ້ກອງປະຊຸມໃຫຍ່ຄັ້ງທີ 19 ຂອງພັກກອມມູນິດຈີນທີ່ຈະໄຂຂຶ້ນໃນ 6 ເດືອນທ້າຍປີນີ້ຈົ່ງປະສົບຜົນສຳເລັດຢ່າງຈົບງາມ.
ທ່ານເລກວກລີໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນສຳເລັດທີ່ຈີນຍາດມາໄດ້ໃນການວາງແຜນພ້ອມດ້ວຍການສ້າງສາພັດທະນາເສດຖະກິດສັງຄົມທັງເຊື່ອໝັ້ນວ່າພາຍໃຕ້ການນຳພາຂອງພັກກອມມູນິດຈີນ, ປະຊາຊົນຈີນຈະໄດ້ຮັບຜົນສຳເລັດທີ່ຍິ່ງໃຫຍ່ກວ່າເກົ່າ.
ທ່ານເລິມກວກຕວນເຫັນວ່າ ພັກກອມມູນິດຈີນແລະພັກກອມມູນິດຫວຽດນາມມີຄວາມຄ້າຍຄືກັນຫຼາຍຢ່າງໃນວຽກງານກໍ່ສ້າງພັກ ແລະພັກກອມມູນິດຈີນກໍມີບົດຮຽນໃນດ້ານນີ້ຢ່າງຫຼວງຫຼາຍເຊິ່ງສາມາດເຮັດໃຫ້ນັກຄົ້ນຄວ້າການກໍ່ສ້າງພັກຂອງຫວຽດນາມຖືເປັນບ່ອນອ້າງອີງແລະເປັນບົດຮຽນທີ່ດີ. ທ່ານຍັງກ່າວຕື່ມວ່າ: ກອງປະຊຸມໃຫຍ່ຄັ້ງທີ 19 ຂອງພັກກອມມູນິດຈີນທີ່ຈະໄຂຂຶ້ນໃນໄວໆນີ້ເປັນກອງປະຊຸມສຳຄັນຄັ້ງໜຶ່ງ ແລະຫວຽດນາມຫວັງວ່າກອງປະຊຸມຄັ້ງນີ້ຈະມີຈຸດເດັ່ນຫຼາຍຢ່າງເພື່ອປະເທດຕົນຈະໄດ້ສຶກສາຄົ້ນຄວ້າແລະຖອດຖອນບົດຮຽນນຳ.