ວັນທີ 30 ກໍລະກົດຜ່ານມາ, ຢູ່ແຖວໃກ້ຖະໜົນຈ້ຽນເຊີ້ແລະຖະໜົນກົ່ງເຢິນ ເມືອງເຈີ້ງໂຈ່ວ ແຂວງເຫີນານ ສປ ຈີນ, ມີແມ່ຍິງທີ່ຜົມງາມແລະຍາວເກືອບ 2 ແມັດປາກົດ ຢູ່ຕາມຖະໜົນແລະສວນສາທາລະນະເຊິ່ງພາບດັ່ງກ່າວໄດ້ເຮັດໃຫ້ຊາວເມືອງເປັນຈຳນວນຫຼາຍຢຸດເບິ່ງ, ຂະນະທີ່ເກີດຄວາມຮູ້ສຶກງຶດງໍ້ນຳຜົມຍາວຂອງນາງແລ້ວ, ຊາວເມືອງຍັງຍົກຍ້ອງຊື່ນຊົມຕໍ່ຈິດໃຈທີ່ຍຶດໝັ້ນຈົ່ງຜົມຍາວຂອງນາງມາເປັນເວລາ 25 ປີໂດຍແມ່ຍິງຄົນນັ້ນກໍຄືນາງຝານທີ່ປີນີ້ອາຍຸ 49 ປີນັ້ນເອງ. ລາວໄດ້ຈົ່ງຜົມຍາວມາແຕ່ຕອນອາຍຸ 24 ປີແລະມາເຖິງປັດຈຸບັນ,ຜົມຂອງນາງຍາວກວ່າ 1,93 ແມັດແລ້ວ. ນາງຢືນຢັນວ່າຈະສືບຕໍ່ຈົ່ງຜົມໄປເລື້ອຍໆເພື່ອເບິ່ງວ່າຜົມຈະຍາວອີກເທົ່າໃດເມື່ອທຽບກັບຄວາມສູງຂອງຕົນໃນປັດຈຸບັນຈະໄດ້ທົບເທົ່າຫຼືບໍ່?