ພິທີສະຫຼອງວັນຄົບຮອບ 90 ປີແຫ່ງການສ້າງຕັ້ງກອງທັບປົດປ່ອຍປະຊາຊົນຈີນໄດ້ຈັດຂຶ້ນຢູ່ຫໍປະຊຸມແຫ່ງຊາດນະຄອນຫຼວງປັກກິ່ງໃນຕອນເຊົ້າວັນທີ 1 ສິງຫານີ້ ໂດຍທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນໄດ້ເຂົ້າຮ່ວມແລະກ່າວປາໄສສຳຄັນ ແລະໃນພິທີດັ່ງກ່າວ, ກໍມີກຳມະການປະຈຳກົມການເມືອງສູນກາງພັກ 7 ທ່ານ, ຜູ້ນຳພັກລັດທີ່ຢູ່ປັກກິ່ງ ແລະຜູ້ແທນວົງການຕ່າງໆປະມານ 3000 ຄົນໄດ້ເຂົ້າຮ່ວມເຊັ່ນດຽວກັນ.
ວັນທີ 1 ສິງຫາປີ 1927, ການລຸກຮືຂຶ້ນໜານສ່າງໄດ້ເປີດສາກການຕໍ່ສູ້ດ້ວຍກຳລັງອາວຸດທີ່ນຳພາໂດຍພັກກອມມູນິດຈີນ ແລະເປັນຂີດໝາຍສະແດງໃຫ້ເຫັນວ່າ ກອງທັບປະຊາຊົນແບບໃໝ່ທີ່ນຳພາໂດຍພັກກອມມູນິດຈີນໄດ້ກຳເນີດເກີດຂຶ້ນຢ່າງເປັນທາງການ.