ເຈົ້າໜ້າທີ່ກະຊວງສາທາລະນະສຸກແລະກິລາມຽນມາຢືນຢັນວ່າ, ນັບແຕ່ວັນທີ 21 ຫາ 30 ກໍລະກົດຜ່ານມາ, ມີ 182 ຄົນໄດ້ເຂົ້າໂຮງໝໍຍ້ອນຕິດເຊື້ອພະຍາດຫຼອດລົມຫາຍໃຈຮ້າຍແຮງ, ໃນນີ້ ມີ 51 ຄົນຕິດເຊື້ອພະຍາດໄຂ້ຫວັດໃຫຍ່ H1N1 ສາຍພັນ A ເຊິ່ງເຊື້ອພະຍາດດັ່ງກ່າວສ່ວນຫຼາຍແຜ່ລະບາດຢູ່ແຂວງຢາງກຸງແລະລັດກາຊິນ ທາງພາກຕາເວັນຕົກສຽງເໜືອຂອງປະເທດ ແລະເປັນທີ່ແນ່ນອນແລ້ວວ່າ ມາຮອດວັນທີ 30 ກໍລະກົດຜ່ານມາ, ທົ່ວປະເທດມີ 51 ຄົນໄດ້ຮັບການຢືນຢັນວ່າຕິດເຊື້ອພະຍາດໄຂ້ຫວັດໃຫຍ່ H1N1 ສາຍພັນ A. ໃນນີ້ ມີຜູ້ເສຍຊີວິດແລ້ວ 10 ຄົນ.
ເຈົ້າໜ້າທີ່ກະຊວງສາທາລະນະສຸກແລະກິລາມຽນມາໄດ້ແນະນຳໃຫ້ປະຊາຊົນເອົາໃຈໃສ່ຕໍ່ການປ້ອງກັນພະຍາດ, ຖ້າເປັນອາການໄຂ້ຫວັດຄວນໄປປິ່ນປົວຢູ່ໂຮງໝໍອ້ອມຂ້າງທັນທີ.
ເຈົ້າໜ້າທີ່ກະຊວງດັ່ງກ່າວຍັງເປີດເຜີຍອີກວ່າ, ໄຂ້ຫວັດຊະນິດນີ້ເປັນໄຂ້ຫວັດຕາມລະດູການ ແລະເລີ່ມເກີດຂຶ້ນຢູ່ມຽນມາເມື່ອປີ 2009 ເປັນຄັ້ງທຳອິດ ແລະຈາກນັ້ນກໍໄດ້ເກີດຂຶ້ນໃນປີ 2010, 2012, 2013, 2015 ແລະປີຜ່ານມາ.
 |
