ພິທີປິດໂຄງການອົບຮົມທ່ານໝໍພື້ນເມືອງຈີນທີ່ດີເລີດຂອງໄທ 2017 ໄດ້ຈັດຂຶ້ນຢູ່ນະຄອນຫຼວງບາງກອກປະເທດໄທເມື່ອວັນທີ 31 ກໍລະກົດຜ່ານມາຫຼັງດຳເນີນເປັນເວລາ 6 ວັນ ໂດຍທ່ານໝໍພື້ນເມືອງຈີນທີ່ມີໃບອະນຸຍາດເກືອບ 40 ທ່ານໃນທົ່ວປະເທດໄທ ໄດ້ເຂົ້າຮ່ວມການອົບຮົມ.
ນັບແຕ່ແພດພື້ນເມືອງຈີນຖືກຕ້ອງຕາມກົດໝາຍຢູ່ໄທມາເປັນເວລາ 17 ປີນີ້, ທ່ານໝໍພື້ນເມືອງຈີນທີ່ໄດ້ຮັບໃບອະນຸຍາດຄຸນວຸດທິແພດພື້ນເມືອງຈີນຢູ່ໄທ ມີເກືອບ 1000 ຄົນແລ້ວ. ເພື່ອອຳນວຍຄວາມສະດວກໃນການອົບຮົມທີ່ເປັນລະບົບໃຫ້ແກ່ທ່ານໝໍພື້ນເມືອງຈີນຂອງໄທ, ສະຖາບັນຂົງຈື້ມະຫາວິທະຍາໄລບົວລະພາ, ສະມາຄົມທ່ານໝໍພື້ນເມືອງຈີນຂອງໄທ ແລະມະຫາວິທະຍາໄລແພດສາດເວີ່ນໂຈ່ວຈີນ ໄດ້ຮ່ວມກັນສ້າງຕັ້ງ "ສູນອົບຮົມທ່ານໝໍພື້ນເມືອງຈີນທີ່ດີເລີດຂອງໄທ" ໃນປີ 2016 ຜ່ານມາ ເຊິ່ງການອົບຮົມຄັ້ງນີ້ ເປັນຊຸດທີສອງທີ່ຈັດຂຶ້ນຢູ່ສູນດັ່ງກ່າວ.