ງານລ້ຽງອາຫານຄ່ຳ "ແມ່ຍິງທ່ຽວໄທ2017" ໄດ້ຈັດຂຶ້ນຢູ່ນະຄອນຫຼວງບາງກອກປະເທດດັ່ງກ່າວໃນວັນທີ 1 ສິງຫານີ້ໂດຍອົງການທ່ອງທ່ຽວແຫ່ງຊາດໄທໄດ້ເຊີນແມ່ຍິງທີ່ມີຊື່ສຽງໃນທົ່ວໂລກມາທ່ຽວປະເທດຕົນຊົມທິວທັດທີ່ສວຍສົດງົດງາມ ທັງສຳຜັດ ກັບຜະລິດຕະພັນແລະການບໍລິການທ່ອງທ່ຽວທີ່ສ້າງຂຶ້ນສະເພາະຂອງແມ່ຍິງຕົວຈິງ.
ທ່ານຍຸດທະສັກ ຫົວໜ້າອົງການທ່ອງທ່ຽວແຫ່ງຊາດໄທຢືນຢັນວ່າ ການຈັດກິດຈະກຳຕ່າງໆໃນຫົວຂໍ້"ແມ່ຍິງທ່ຽວໄທ2017"ກໍເພື່ອສົ່ງເສີມ ພັດທະນາຕະຫຼາດ ທ່ອງທ່ຽວແມ່ຍິງ ແລະອົງການຕົນໄດ້ກຳນົດເອົາເດືອນສິງຫານີ້ເປັນເດືອນທ່ອງທ່ຽວສຳລັບແມ່ຍິງໂດຍໄດ້ຮ່ວມມືກັບ800ກວ່າບໍລິສັດດ້ວຍການຫຼຸດລາຄາໃຫ້ບັນດານັກທ່ອງທ່ຽວແມ່ຍິງທັງພາຍໃນແລະຕ່າງປະເທດ.
ຂ່າວແຈ້ງວ່າ: ຊຸມປີມໍ່ໆມານີ້, ກຸ່ມນັກທ່ອງທ່ຽວແມ່ຍິງໄດ້ຄ່ອຍໆກາຍເປັນກຸ່ມຄົນໃຊ້ຈ່າຍສູງໃນຕະຫຼາດທ່ອງທ່ຽວໄທ,ສຳລັບເທື່ອນີ້ອົງການທ່ອງທ່ຽວແຫ່ງຊາດໄທໄດ້ເຊີນແມ່ຍິງທີ່ມີຊື່ສຽງຈາກແຫ່ງຕ່າງໆທົ່ວໂລກມາສຳຜັດກັບການທ່ອງທ່ຽວກໍຫວັງນຳໃຊ້ຊື່ສຽງຂອງເຂົາເຈົ້າເພື່ອເຮັດໃຫ້ພາຍນອກໄດ້ຮູ້ແລະເຂົ້າໃຈຜະລິດຕະພັນການທ່ອງທ່ຽວຂອງໄທທີ່ເໝາະກັບນັກທ່ອງທ່ຽວແມ່ຍິງແລະເພື່ອສົ່ງເສີມໃຫ້ນັກທ່ອງທ່ຽວແມ່ຍິງມາທ່ຽວໄທເພີ່ມຂຶ້ນຢ່າງຕໍ່ເນື່ອງ.