ກຸ່ມພັນທະມິດທີ່ນຳໂດຍອາເມລິກາໂຈມຕີຊີຣີທາງອາກາດ ເຮັດໃຫ້ປະຊາຊົນເສຍຊີວິດ 60 ຄົນເສຍຊີວິດ

ສື່ມວນຊົນຊີຣີລາຍງານໃນວັນທີ 1 ສິງຫານີ້ວ່າ: ກຸ່ມພັນທະມິດທີ່ນຳໂດຍອາເມລິກາໄດ້ໂຈມຕີທາງອາກາດເຂດພາກຕາເວັນອອກຂອງປະເທດຕົນເປັນເວລາຫຼາຍຊົ່ວໂມງຜ່ານມາ ສົ່ງຜົນເຮັດໃຫ້ປະຊາຊົນເສຍຊີວິດ 60 ຄົນ.

ຂ່າວແຈ້ງວ່າ: ກຸ່ມພັນທະມິດໄດ້ໂຈມຕີທາງອາກາດໃສ່ຫຼາຍບ້ານຢູ່ເຂດພາກຕາເວັນອອກແຂວງເດວອິສໂຈທາງພາກຕາເວັນອອກຊີຣີ ສົ່ງຜົນເຮັດໃຫ້ປະຊາຊົນໂດຍສະເພາະແມ່ຍິງແລະເດັກນ້ອຍເສຍຊີວິດແລະບາດເຈັບເປັນຈຳນວນຫຼາຍ.

ກະຊວງການຕ່າງປະເທດຊີຣີໄດ້ສົ່ງຈົດໝາຍເຖິງເລຂາທິການໃຫຍ່ອົງການສະຫະປະຊາຊາດແລະປະທານສະພາຄວາມໝັ້ນຄົງສະຫະປະຊາຊາດໃນວັນທີ 30 ກໍລະກົດຜ່ານມາ ໂດຍກ່າວປະນາມກຸ່ມພັນທະມິດທີ່ນຳໂດຍອາເມລິກາໂຈມຕີດັ່ງກ່າວ ສົ່ງຜົນເຮັດໃຫ້ປະຊາຊົນເສຍຊີວິດແລະບາດເຈັບ ຈາກນີ້ຈຶ່ງຮຽກຮ້ອງໃຫ້ຍຸບກຸ່ມດັ່ງກ່າວ. ກະຊວງການຕ່າງປະເທດຊີຣີເປີດເຜີຍວ່າ: ພຽງແຕ່ເດືອນກໍລະກົດເດືອນດຽວ, ກຸ່ມພັນທະມິດໄດ້ໂຈມຕີແຂວງເດວອິສໂຈພາກຕາເວັນອອກແລະແຂວງໂອ ຮາຊາຄາ ພາກຕາເວັນອອກສຽງເໜືອຂອງຊີຣີທາງອາກາດເຖິງ 7ເທື່ອ ສົ່ງຜົນເຮັດໃຫ້ປະຊາຊົນເສຍຊີວິດແລະບາດເຈັບເປັນຈຳນວນຫຼາຍ.