ໜັງສືພິມວຽງຈັນທາມສະບັບວັນທີ 1 ສິງຫານີ້ ລາຍງານວ່າ, ວັນທີ 28 ກໍລະກົດຜ່ານມາ, ຖັງອົກຊິດຄວາມດັນສູງຖັງໜຶ່ງຢູ່ຈຸດກໍ່ສ້າງໂຮງງານໄຟຟ້ານ້ຳຕົກນ້ຳງຽບ 1 ໄດ້ລະເບີດໃນຂະນະຂົນສົ່ງ ສົ່ງຜົນເຮັດໃຫ້ 3 ຄົນເສຍຊີວິດຄາທີ່ ແລະອີກ 5 ຄົນບາດເຈັບ, ໃນນັ້ນ 3 ຄົນເສຍຊີວິດຫຼັງສົ່ງຮອດໂຮງໝໍ. 6 ຄົນທີ່ເສຍຊີວິດລ້ວນແຕ່ແມ່ນກຳມະກອນຫວຽດນາມທີ່ເຮັດວຽກໃຫ້ບໍລິສັດຮັບເໝົາຂອງຫວຽດນາມ.
ທ່ານ ໂຢຊີຮີໂຣ ຢາມາບາຢາຊີ ຜູ້ອຳນວຍການໃຫຍ່ບໍລິສັດພະລັງງານໄຟຟ້ານ້ຳງຽບ 1 ໄດ້ສະແດງຄວາມເສົ້າສະຫຼົດໃຈຕໍ່ເຫດການດັ່ງກ່າວ ແລະກ່າວວ່າ: "ກອງບັນຊາການປ້ອງກັນຄວາມສະຫງົບແຂວງກຳລັງສືບສວນສາເຫດ ແລະກຳມະກອນກໍ່ສ້າງກໍໄດ້ເຊົາເຮັດວຽກແລ້ວ."
ໂຮງງານໄຟຟ້ານ້ຳຕົກນ້ຳງຽບ 1 ຕັ້ງຢູ່ສາຂາແມ່ນ້ຳຂອງ ໂດຍມີກຳລັງຕິດຕັ້ງ 29 ເມກາວັດ ແລະຄາດວ່າຈະສຳເລັດການກໍ່ສ້າງໃນເດືອນສິງຫາປີໜ້າ ແລະເລີ່ມຜະລິດໄຟຟ້າໃນທ້າຍປີໜ້າຫຼືຕົ້ນປີ 2019. ໂຄງການດັ່ງກ່າວລົງທຶນ, ກໍ່ສ້າງແລະດຳເນີນທຸລະກິດໂດຍບໍລິສັດພະລັງງານໄຟຟ້ານ້ຳງຽບ 1 ທີ່ຮ່ວມທຶນໂດຍບໍລິສັດພະລັງໄຟຟ້າກັນຊາອີຍີ່ປຸ່ນ, ບໍລິສັດຂອງໄທແລະລາວໃນປີ 2013.
 |
