ທ່ານນາງ ຍິ່ງລັກ ຊິນນະວັດ ອະດີດນາຍົກລັດຖະມົນຕີໄທ ໄດ້ຖະແຫຼງປິດຄະດີຮັບຈຳເຂົ້າຢູ່ສານດີກາພະແນກຄະດີອາຍາຂອງຜູ້ດຳລົງຕຳແໜ່ງທາງການເມືອງໃນວັນທີ 1 ສິງຫານີ້ ໂດຍກ່າວວ່າ ຕົນເອງເປັນເຫຍື່ອຈາກເກມການເມືອງ ແລະໄດ້ປະຕິເສດທຸກຂໍ້ກ່າວຫາຂອງໄອຍະການ.
ທ່ານນາງ ຍິ່ງລັກ ເນັ້ນວ່າ, ໂຄງການຮັບຈຳນຳເຂົ້າ ແມ່ນນະໂຍບາຍຂອງລັດຖະບານທີ່ໄດ້ລາຍງານຕໍ່ລັດຖະສະພາ, ແຕ່ປັດຈຸບັນ, ໄອຍະການໄດ້ຖິ້ມໂທດທັງໝົດໃຫ້ຕົນຜູ້ດຽວ ເຊິ່ງເປັນການລະເມີດລັດຖະທຳມະນູນທີ່ຮຽກຮ້ອງໃຫ້ຄະນະລັດຖະບານແບກຫາບໜ້າທີ່ຮັບຜິດຊອບຮ່ວມ. ພ້ອມດຽວກັນນັ້ນ, ໃນໄລຍະດຳເນີນຄະດີ, ພາກສ່ວນທີ່ກ່ຽວຂ້ອງກໍບໍ່ມີຄວາມຍຸຕິທຳ, ແລະສົງໄສວ່າເປັນການປັ້ນແຕ່ງຫຼັກຖານ. ນອກນັ້ນ ທ່ານນາງ ຍິ່ງລັກ ຍັງໄດ້ຕອບໂຕ້ຂໍ້ຫາລະເລີຍໜ້າທີ່, ປ່ອຍໃຫ້ເກີດການຂໍ້ລາດບັງຫຼວງ ແລະອື່ນໆ.
ສານດັ່ງກ່າວ ໄດ້ປະຕິເສດທ່ານນາງຍິ່ງລັກທີ່ຮ້ອງຂໃຫ້ມອບຄະດີນີ້ໃຫ້ສານລັດຖະທຳມະນູນຕັດສິນອີກເທື່ອໜຶ່ງ ແລະໄດ້ຕົກລົງທີ່ຈະປະກາດຜົນການຕັດສິນຄະດີນີ້ໃນວັນທີ 25 ສິງຫານີ້.