ສະຖາບັນເລກ 5 ຂອງກຸ່ມບໍລິສັດວິທະຍາສາດເຕັກໂນໂລຊີການບິນອະວະກາດຈີນເປີດເຜີຍວ່າ: ວັນທີ 1 ສິງຫານີ້, ຍານອະວະກາດຂົນສົ່ງສິນຄ້າ "ທ່ຽນໂຈ່ວ1"ຂອງຈີນໄດ້ປ່ອຍດາວທຽມນ້ອຍໜ່ວຍໜຶ່ງຂະນະທີ່ບິນຢູ່ວົງໂຄຈອນ, ຫຼັງຈາກນັ້ນ ນັກວິຊາການກໍສາມາດຈັບສັນຍານໄດ້ຈາກດາວທຽມໜ່ວຍນີ້ໄດ້ທັນທີຢ່າງສຳເລັດຜົນ.
ນີ້ເປັນການທົດລອງເປັນເທື່ອທຳອິດທີ່ຈີນໃຊ້ລະບົບຍານອະວະກາດປ່ອຍດາວທຽມນ້ອຍຢູ່ວົງໂຄຈອນ ເຊິ່ງໄດ້ສ້າງພື້ນຖານເຕັກນິກໃຫ້ແກ່ສະຖານີອະວະກາດປະຕິບັດການປ່ອຍດາວທຽມນາໂນ（NanoSat）ພ້ອມດ້ວຍການບໍລິການຕາມວົງໂຄຈອນໃນອະນາຄົດ. ຂ່າວແຈ້ງວ່າ: ດາວທຽມນ້ອຍທີ່ປ່ອຍ ເທື່ອນີ້ມີໂຄງປະກອບມາດຕະຖານ3U ເຊິ່ງຖືກຕິດຕັ້ງຢູ່ໃນເຄື່ອງຍິງດາວທຽມນ້ອຍຕາມວົງໂຄຈອນ ແລະຖືກປ່ອຍຂຶ້ນສູ່ອະວະກາດໄປພ້ອມກັບຍານອະວະກາດ"ທ່ຽນໂຈ່ວ1"ໃນວັນທີ 20 ເມສາປີນີ້ໂດຍປ່ອຍໄວ້ຢູ່ໃນວົງໂຄຈອນມາໄດ້ 104 ວັນແລ້ວ ແລະໜ້າທີ່ຕົ້ນຕໍຂອງດາວທຽມໜ່ວຍນີ້ກໍຄືປະຕິບັດການທົດລອງແລະກວດສອບເຕັກນິກໃໝ່ກ່ຽວກັບການບິນອະວະກາດ.
 |
