ວັນທີ 2 ສິງຫານີ້, ກະຊວງການຕ່າງປະເທດຈີນໄດ້ເປີດເຜີຍເອກະສານຄວາມຈິງທີ່ທະຫານຊາຍແດນອິນເດຍຂ້າມຊາຍແດນລ່ວງເຂົ້າປະເທດຈີນຢູ່ຍ່ານຊິກຄິມເຂດຊາຍແດນລະຫວ່າງຈີນ-ອິນເດຍ ແລະຫຼັກໝັ້ນຕໍ່ເຫດການດັ່ງກ່າວຂອງຈີນ ກໍເພື່ອເປີດເຜີຍຄວາມຈິງທີ່ທະຫານອິນເດຍຂ້າມຊາຍແດນແລະລ່ວງເຂົ້າແດນຈີນ ແລະອະທິບາຍເຖິງຫຼັກໝັ້ນຂອງລັດຖະບານຈີນຢ່າງຮອບດ້ານ.
ເອກະສານດັ່ງກ່າວຊີ້ໃຫ້ເຫັນວ່າ: ວັນທີ 18 ມິຖຸນາຜ່ານມາ, ທະຫານຊາຍແດນອິນເດຍໄດ້ຂ້າມຜ່ານຍ່ານຊິກຄິມເຊິ່ງເປັນເຂດຊາຍແດນລະຫວ່າງຈີນ-ອິນເດຍເຂົ້າສູ່ຈີນ ແລະມາຮອດປັດຈຸບັນກໍຍັງຄົງຢູ່ແດນຂອງຈີນຢ່າງຜິດກົດໝາຍ ເຊິ່ງຜ່ານມາ,ຈີນໄດ້ສະແດງຄວາມອົດກັ້ນສູງທີ່ສຸດ. ສ່ວນການກະທຳຂອງຝ່າຍອິນເດຍໄດ້ລະເມີດສົນທິສັນຍາປີ 1890 ແລະເອີ້ນຊາຍແດນສອງປະເທດທີ່ໄດ້ລະບຸໄວ້ໃນສົນທິສັນຍາດັ່ງກ່າວ ທັງລະເມີດຫຼັກການພື້ນຖານຂອງກົດໝາຍສາກົນແລະຫຼັກການພື້ນຖານຂອງການພົວພັນລະຫວ່າງຊາດ ເຊິ່ງບໍ່ມີປະເທດອະທິປະໄຕໃດໆຈະສາມາດອົດທົນໄດ້.
ທ່ານ ເກີງສວງ ໂຄສົກກະຊວງການຕ່າງປະເທດຈີນກ່າວວ່າ: ການກະທຳຂອງຈີນ ເພື່ອປົກປັກຮັກສາອະທິປະໄຕເໜືອດິນແດນຂອງປະເທດຕົນ ທັງເພື່ອຮັກສາຫຼັກການພື້ນຖານຂອງກົດໝາຍສາກົນແລະຫຼັກການພື້ນຖານຂອງການພົວພັນລະຫວ່າງຊາດ,ປົກປັກຮັກສາຄວາມຍຸຕິທຳແລະຄວາມເປັນທຳ.