ວັນທີ 1 ສິງຫານີ້, ສູນຄົ້ນຄວ້າພາວຂອງອາເມລິກາໄດ້ເຜີຍແຜ່ບົດລາຍງານການສຳຫຼວດຄວາມເຫັນສະບັບໜຶ່ງ ໂດຍສະແດງໃຫ້ເຫັນວ່າ: ປະຊາຊົນທົ່ວໂລກ 38% ເຫັນວ່າອາເມລິກາເປັນໄພຂົ່ມຂູ່ທີ່ສຳຄັນແລະໃຫຍ່ຫຼວງຕໍ່ຄວາມໝັ້ນຄົງຂອງປະເທດຕົນ,ສ່ວນການສຳຫຼວດທີ່ຄ້າຍຄືກັນເມື່ອປີ 2013 ມີພຽງແຕ່ 25% ເທົ່ານັ້ນ. ຂະນະທີ່ 24% ເຫັນວ່າອາເມລິກາເປັນໄພຂົ່ມຂູ່ທຳມະດາແລະ 23% ເຫັນວ່າບໍ່ເປັນໄພຂົ່ມຂູ່.
ໃນການສຳຫຼວດຄວາມເຫັນໃນ 30 ປະເທດນັ້ນ, ມີ 21 ປະເທດວິຕົກຕໍ່ໄພຂົ່ມຂູ່ຂອງອາເມລິກາຫຼາຍຂຶ້ນໃນ 4 ປີຜ່ານມາ, ຂະນະທີ່ປະຊາຊົນກຸ່ມພັນທະມິດອາເມລິກາເປັນຈຳນວນຫຼາຍຄິດເປັນປໍລະປັກກັບອາເມລິກາສູງຂຶ້ນ ເປັນຕົ້ນຝຣັ່ງ, ອົສຕຣາລີ, ເຢຍລະມັນ, ການາດາ, ຍີ່ປຸ່ນ, ອັງກິດ, ອິສຣາແອນ ແລະ ສ.ເກົາຫຼີ, ໃນນີ້ປະຊາຊົນ ສ.ເກົາຫຼີ 70% ແລະປະຊາຊົນຍີ່ປຸ່ນ 62% ເຫັນວ່າອາເມລິກາເປັນໄພຂົ່ມຂູ່ທີ່ສຳຄັນແລະໃຫຍ່ຫຼວງ.