ກອງປະຊຸມຕ່າງໆຂອງລັດຖະມົນຕີການຕ່າງປະເທດອາຊຽນຄັ້ງທີ 50 ໄດ້ຈັດຂຶ້ນຢູ່ນະຄອນຫຼວງມະນີລາປະເທດຟີລິບປີນເຊິ່ງເປັນປະເທດປະທານໝູນວຽນອາຊຽນໃນວັນທີ 2 ສິງຫານີ້, ໂດຍເນັ້ນຫົວຂໍ້ "ການຮ່ວມມືຊຸກຍູ້ການປ່ຽນແປງແລະເຊື່ອມຈອດກັບໂລກ", ແລະຈະດຳເນີນເປັນເວລາ 7 ວັນ, ໃນໄລຍະນີ້ຈະຈັດກອງປະຊຸມແລະກິດຈະກຳຕ່າງໆປະມານ 40 ຄັ້ງໂດຍມີ, ລັດຖະມົນຕີກະຊວງການຕ່າງ 27 ທ່ານຂອງປະເທດອາຊຽນແລະປະເທດທີ່ກ່ຽວຂ້ອງເຂົ້າຮ່ວມ.
ທ່ານອາລັນ ປີເຕີ ຄາເຢທະໂນ ລັດຖະມົນຕີກະຊວງການຕ່າງປະເທດຟີລິບປີນຈະເປັນປະທານກອງປະຊຸມຄົບຄະນະຂອງກອງປະຊຸມລັດຖະມົນຕີການຕ່າງປະເທດອາຊຽນຄັ້ງນີ້, ເຂົ້າຮ່ວມກອງປະຊຸມແລະການພົບປະຕ່າງໆ. ພາຍໃຕ້ຫົວຂໍ້ "ການຮ່ວມມືຊຸກຍູ້ການປ່ຽນແປງແລະເຊື່ອມຈອດກັບໂລກ", ບັນດາລັດຖະມົນຕີການຕ່າງປະເທດຈະຫວນຄືນຂະບວນການກໍ່ສ້າງປະຊາຄົມອາຊຽນແລະທິດທາງພັດທະນາໃນອະນາຄົດ, ແລະແລກປ່ຽນຄວາມເຫັນຢ່າງເລັ່ງດ່ວນກ່ຽວກັບບັນຫາພາກພື້ນແລະສາກົນ.