ພິທີເປີດສູນອົບຮົມເຕັກນິກການແພດຂອງໂຮງໝໍ 103 ທີ່ໂຮງໝໍຄຸນມິງກອງທັບປົດປ່ອຍປະຊາຊົນຈີນຊ່ວຍກໍ່ສ້າງນັ້ນໄດ້ຈັດຂຶ້ນຢູ່ນະຄອນຫຼວງວຽງຈັນໃນຕອນບ່າຍວັນທີ 2 ສິງຫານີ້ ເຊິ່ງເປັນສູນທຳອິດໃນລະບົບສາທາລະນະສຸກຂອງກອງທັບປະຊາຊົນລາວ.
ຄະນະເສນາຮັກໜ່ວຍ 2 ໃນໂຄງການ "ຂະບວນລົດໄຟສັນຕິພາບ"ກອງທັບປົດປ່ອຍປະຊາຊົນຈີນໄດ້ເດີນທາງເຖິງນະຄອນຫຼວງວຽງຈັນແລະປະຕິບັດໜ້າທີ່ບໍລິການປິ່ນປົວຢ່າງເປັນທາງການໃນວັນທີ 25 ກໍລະກົດຜ່ານມາ. ເນື່ອງຈາກຜ່ານມາ ໂຮງໝໍ103 ບໍ່ມີສູນອົບຮົມເຕັກນິກການແພດສະເພາະ, ຄະນະເສນາຮັກໜ່ວຍ 2 ຈິ່ງຕັດສິນໃຈຊ່ວຍສ້າງສູນອົບຮົມເຕັກນິກການແພດເພື່ອອຳນວຍຄວາມສະດວກໃຫ້ແກ່ການຮຽນການສອນ,ຝຶກອົບຮົມ,ກວດສອບແລະ ອື່ນໆ.
ຫຼັງພິທີເປີດ , ບັນດາຊ່ຽວຊານຈາກໂຮງໝໍຄຸນມິງຍັງໄດ້ອົບຮົມແລະແລກປ່ຽນບົດຮຽນ ເຕັກນິກການຊ່ວຍສຸກເສີນເປັນຕົ້ນ ການໃຫ້ຫັນໃຈລ່ວງ,ຫ້າມເລືອດ,ຮຳບາດ,ປ້ຳຫົວໃຈແລະອື່ນໆນຳພະນັກງານແພດໝໍໂຮງໝໍ103ຕື່ມອີກ.