ງານຕະຫຼາດນັດຫີນຢົກແລະເພັດນິນຈິນດາມຽນມາ ທີ່ຈັດຂຶ້ນປີລະເທື່ອ ໂດຍປີນີ້ໄດ້ຈັດຂຶ້ນຢູ່ນະຄອນຫຼວງເນປີດໍແຕ່ວັນທີ 2- 11 ສິງຫານີ້ ເຊິ່ງເປັນຄັ້ງທີ 54 ຫຼັງເລີ່ມຈັດຂຶ້ນແຕ່ປີ 1964. ເຈົ້າໜ້າທີ່ຝ່າຍຈັດງານເປີດເຜີຍວ່າ, ນັກທຸລະກິດຫີນຢົກແລະເພັດນິນຈິນດາຈາກຕ່າງປະເທດທີ່ເຂົ້າຮ່ວມຄັ້ງນີ້ມີເກືອບ 3400 ຄົນ ແລະນັກທຸລະກິດມຽນມາ 1400 ຄົນ ເຊິ່ງຫຼາຍກວ່າຄັ້ງທີ 53 ປະມານ 2000 ຄົນ.
ໃນງານດັ່ງກ່າວ, ຍັງຈະຈັດເທດສະການເພັດນິນຈິນດາມຽນມາຄັ້ງທຳອິດ, ກອງປະຊຸມສຸດຍອດຂະແໜງການເພັດນິນຈິນດາປະຊາຄົມເສດຖະກິດອາຊຽນຄັ້ງທີ 6 ແລະອື່ນໆ. ຂະນະທີ່ສິນຄ້າສົ່ງອອກທີ່ສຳຄັນຂອງມຽນມາ ກໍຄືຢົກ ໂດຍປະລິມານສົ່ງອອກໄດ້ນຳໜ້າສິນຄ້າປະເພດຕ່າງໆຂອງປະເທດດັ່ງກ່າວ.