ວັນທີ 3 ສິງຫານີ້ຢູ່ນະຄອນຊິດນີ ປະເທດ ອົສຕຼາລີ, ທ່ານປັສຄາວ ລາມີ ອະດີດຜູ້ອຳນວຍການໃຫຍ່ອົງການການຄ້າໂລກກ່າວວ່າ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຈະຊຸກຍູ້ການຮ່ວມມືການຄ້າຂອງໂລກຢ່າງແຂງແຮງ.
ໃນໂອກາດໃຫ້ສຳພາດຂ່າວ, ທ່ານລາມີກ່າວວ່າ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ແມ່ນສັນຍານທີ່ດີຈາກຈີນ, ເຊິ່ງສະແດງໃຫ້ເຫັນວ່າຈີນຍັງຈະເພີ່ມທະວີການຮ່ວມມືກັບຕ່າງປະເທດ. ຂະນະທີ່ຈີນຈະຮ່ວມກ້າວໜ້າກັບກຸ່ມເສດຖະກິດອື່ນໆໃນໂລກ.
ທ່ານລາມີເຊື່ອວ່າ, ຈີນຈະສືບຕໍ່ເສີມຂະຫຍາຍບົດບາດສຳຄັນໃນຂະບວນການສ້າງສະພາບແວດລ້ອມການຄ້າຂອງໂລກ. ໂດຍ"ອາຊີຈະມີຖານະສຳຄັນກວ່າເກົ່າໃນໂລກ, ຈີນຈະເສີມຂະຫຍາຍບົດບາດໃຫ້ຫຼາຍກວ່າເກົ່າທຽບໃສ່ 20 ປີຜ່ານມາ."