ວັນທີ4ສິງຫານີ້, ເຈົ້າໜ້າທີ່ກະຊວງການຄ້າຈີນໃຫ້ຮູ້ວ່າ, ໃນ 6 ເດືອນຕົ້ນປີ2017, ຍອດມູນຄ່າການຄ້າການບໍລິການຂອງຈີນມີເຖິງ2287ຕື້ 140ລ້ານຢວນ, ເພີ່ມຂຶ້ນ12,9%ເມື່ອທຽບກັບໄລຍະດຽວກັນຂອງປີຜ່ານມາ.
ກະຊວງການຄ້າຈີນໄດ້ເປິດເຜິນຂໍ້ມູນຫຼ້າສຸດໂດຍສະແດງໃຫ້ເຫັນວ່າ, ໃນ 6 ເດຶອນຕົ້ນປີນີ້, ການສົ່ງອອກການບໍລິການຂອງຈີນມີມູນຄ່າ 695ຕື້90ລ້ວນຢວນ, ເພີ່ມຂຶ້ນ5,6%ເມື່ອທຽບກັບໄລຍະດຽວກັນຂອງປີຜ່ານມາ, ນຳເຂົ້າ 1592ຕື້ 50ລ້ວນຢວນ, ເພີ່ມຂຶ້ນ16,5%; ຂາດດຸນ 896ຕື້960ລ້ານຢວນ, ເພີ່ມຂຶ້ນ 26,6%.
ສຳລັບການຂາດດຸນການຄ້າການບໍລິການເພີ່ມຂຶ້ນນັ້ນ, ທ່ານຊຽນກົວອີ້, ຫົວໜ້າກົມການຄ້າການບໍລິການກະຊວງການຄ້າຈີນວິເຄາະວ່າ, ການຂາດດຸນສ່ວນຫຼາຍຢູ່ໃນ 3 ຂົງເຂດ, ຄື: ການທ່ອງທ່ຽວ, ການຂົນສົ່ງ ແລະສິດຊັບສິນທາງປັນຍາ. ໃນນັ້ນ, ການຂາດດຸນດ້ານການທ່ອງທ່ຽວມີເຖິງ 766ຕື້ 620ລ້ານຢນ, ກວມ 85,5%ໃນຍອດມູນຄ່າຂາດດຸນການຄ້າ, ເຊິ່ງເປັນປັດໄຈສຳຄັນທີ່ສຸດທີ່ເຮັດໃຫ້ມູນຄ່າຂາດດຸນດ້ານການຄ້າການບໍລິການເພີ່ມຂຶ້ນ.
ທ່ານຊຽນກົວອີ້ກ່າວຕື່ມວ່າ, ໃນ 6 ເດືອນທ້າຍປີນີ້, ຈັງຫວະເຕີບໂຕຂອງການສົ່ງອອກການບໍລິການຂອງຈີນຍັງຈະຕ່ຳກວ່າການນຳເຂົ້າ, ການຂາດດຸນການຄ້າການບໍລິການຍັງຈະເພີ່ມຂຶ້ນອີກ. ແຕ່ວ່າ ການເປີດກວ້າງການນຳເຂົ້າການບໍລິການຈະມີຜົນດີຕໍ່ການປັບປຸງຊີວິດການເປັນຢູ່ຂອງປະຊາຊົນ ແລະຊຸກຍູ້ການຍົກລະດັບການບໍລິໂພກ, ຕ້ອງພິຈາລະນາການເພີ່ມຂຶ້ນຂອງການຂາດດຸນການຄ້າໃນດ້ານນີ້ຢ່າງຖືກຕ້ອງ.
 |
