ວັນທີ4ສິງຫານີ້, ທ່ານນາງ ອອງຊານຊູຈີ ປະທານພັກສັນນິບາດແຫ່ງຊາດເພື່ອປະຊາທິປະໄຕມຽນມາ ທີ່ປຶກສາແຫ່ງລັດມຽນມາໄດ້ພົບປະທ່ານຊົ້ງທ່າວ ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຈີນຢູ່ນະຄອນຫຼວງເນປີດໍ.
ທ່ານຊົ້ງທ່າວກ່າວວ່າ, ຈີນຊົມເຊີຍລັດຖະບານພັກສັນນິບາດແຫ່ງຊາດເພື່ອປະຊາທິປະໄຕມຽນມາປະຕິບັດນະໂຍບາຍໄມຕີຈິດຕໍ່ຈີນ, ສະໜັບສະໜູນຂະບວນການສັນຕິພາບແລະການພັດທະນາເສດຖະກິດສັງຄົມຂອງມຽນມາ, ຈີນຍິນດີເປີດກວ້າງແລະລົງເລິກການຮ່ວມມືລະຫວ່າງສອງປະເທດ. ພັກກອມມູນິດຈີນຍິນດີເພີ່ມທະວີການໄປມາຫາສູ່ກັນກັບພັກສັນນິບາດແຫ່ງຊາດເພື່ອປະຊາທິປະໄຕມຽນມາ, ແລະຊຸກຍູ້ສາຍພົວພັນຈີນ-ມຽນມາໃຫ້ຂະຫຍາຍຕົວຢ່າງບໍ່ຢຸດຢັ້ງ.
ທ່ານນາງອອງຊານຊູຈີນກ່າວວ່າ, ມຽນມາໃຫ້ຄວາມສຳຄັນສູງຕໍ່ການຂະຫຍາຍສາຍພົວພັນກັບຈີນ, ແລະຂອບໃຈນຳຈີນທີ່ໄດ້ໃຫ້ການສະໜັບສະໜູນແລະການຊ່ວຍເຫຼືອເພື່ອພາລະກິດສັນຕິພາບແລະການພັດທະນາຂອງມຽນມາ. ພັກສັນນິບາດແຫ່ງຊາດເພື່ອປະຊາທິປະໄຕມຽນມາປາຖະໜາເພີ່ມທະວີການຮ່ວມມືກັບພັກກອມມູນິດຈີນ, ແລະຊຸກຍູ້ການຂະຫຍາຍຕົວຂອງສາຍພົວພັນສອງປະເທດ.