ວັນທີ4ສິງຫານີ້, ຊາວອີຣັກຫຼາຍໝື່ນຄົນໄດ້ໂຮມຊຸມນຸມປະທ້ວງຢູ່ສະໜາມຫຼວງປົດປ່ອຍທີ່ຢູ່ໃຈກາງນະຄອນຫຼວງແບກແດດປະເທດອີຣັກ, ເພື່ອຕໍ່ຕ້ານກົດໝາຍວ່າດ້ວຍການເລືອກຕັ້ງສະບັບໃໝ່ທີ່ລັດຖະສະພາອີຣັກຮັບຮອງໃນຫວ່າງກ່ອນນີ້ບໍ່ດົນ.
ງານຊຸມນຸມຄັ້ງນີ້ໄດ້ຈັດຂຶ້ນພາຍໃຕ້ການຮຽກຮ້ອງຂອງທ່ານມຸກທາດາ ຊາດາ ຜູ້ນຳຝ່າຍສາສະໜານິກາຍຊີອະຂອງອີຣັກ. ໃນເວລາກ່າວປາໄສທາງໂທລະພາບ, ທ່ານຊາດາໄດ້ຕິຕຽນວ່າ ກົດໝາຍວ່າດ້ວຍການເລືອກຕັ້ງທີ່ລັດຖະສະພາຮັບຮອງນັ້ນ ໄຮ້ຄວາມຍຸດຕິທຳ, ອາດຈະພາໃຫ້ສະມາຊິກລັດຖະສະພາທີ່ສໍ້ລາດບັງຫຼວງໄດ້ຮັບການເລືອກຕັ້ງອີກຄັ້ງໜຶ່ງ, ແລະຈະສະກັດກັ້ນຂະບວນການຕໍ່ຕ້ານການສໍ້ລາດບັງຫຼວງຕາມຄວາມປາຖະໜາຂອງປະຊາຊົນອີຣັກ.
ມື້ດຽວກັນ,ເຈົ້າໜ້າທີ່ທະຫານອີຣັກໄດ້ປິດລ້ອມເຂດເທດສະບານເມືອງແບກແດັດ, ແລະໄດ້ໃຊ້ມາດຕະການປ້ອງກັນຄວາມປອດໄພຢ່າງເຂັ້ມງວດຢູ່ສະຖານທີ່ໂຮມຊຸມນຸມ.
ຫວ່າງກ່ອນນີ້ບໍ່ດົນ, ລັດຖະສະພາອີຣັກໄດ້ຮັບຮອງກົດໝາຍກ່ຽວກັບການເລືອກຕັ້ງຂັ້ນແຂວງໃນປີໜ້າ. ນັກວິເຄາະບາງຄົນເຫັນວ່າ, ກົດໝາຍດັ່ງກ່າວມີລັກສະນະເຂົ້າຂ້າງຜົນປະໂຫຍດຂອງພັກມີສຽງສ່ວນຫຼາຍໃນລັດຖະສະພາ.