ທ່ານເຊີເກ ລາຟຣົຟ ລັດຖະມົນຕີກະຊວງການຕ່າງປະເທດຣັດເຊຍກ່າວທີ່ນະຄອນຫຼວງມະນີລາປະເທດຟີລິບປິນໃນວັນທີ 6 ສິງຫານີ້ວ່າ, ຖ້າອາເມລິກາ "ປະທ່າທີເປັນປໍລະປັກກັບຣັດເຊຍ", ປະເທດຕົນກໍກຽມຈະຟື້ນຟູການເຈລະຈາແບບປົກກະຕິ.
ທ່ານລາຟຣົຟກ່າວໃນຂະນະທີ່ເຈລະຈາກັບທ່ານເຣກ ຕີເລີຊັນ ລັດຖະມົນຕີກະຊວງການຕ່າງປະເທດອາເມລິກາ ໃນໂອກາດທີ່ທັງສອງເຂົ້າຮ່ວມກອງປະຊຸມລັດຖະມົນຕີການຕ່າງປະເທດອາຊີຕາເວັນອອກ ໃນວັນທີ 6 ສິງຫານີ້.
ທ່ານລາຟຣົຟເປີດເຜີຍຕໍ່ສື່ມວນຊົນຫຼັງການເຈລະຈາວ່າ, ໄດ້ປຶກສາຫາລືກັບທ່ານຕີເລີຊັນເປັນເວລາດົນນານ ໂດຍທ່ານຕີເລີຊັນຢາກຮູ້ລາຍລະອຽດໃນມາດຕະການຕ້ານການຂວ້ຳບາດຂອງອາເມລິກາຕໍ່ຣັດເຊຍ ແລະຣັດເຊຍໄດ້ອະທິບາຍເລື່ອງນີ້ຕາມຫຼັງ. ທ່ານລາຟຣົຟກ່າວວ່າ, ມົສກູກຽມພ້ອມແລ້ວຈະຟື້ນຟູການເຈລະຈາເປັນປົກກະຕິກັບອາເມລິກາ, ແຕ່ເງື່ອນໄຂກໍຄືວໍຊິງຕັນຕ້ອງ "ປະທ່າທີເປັນປໍລະປັກກັບຣັດເຊຍ".
 |
