ສົມເດັດອັບດຸນລາ ບິນ ອານ ຮຸສເຊອິນ ເຈົ້າຊີວິດຊອກດານີ ກ່າວໃນໂອກາດພົບປະກັບທ່ານອັບບັສ ປະທານາທິບໍດີປາແລັສຕິນ ຢູ່ລາມາລາ ເມືອງຝັ່ງຕາເວັນຕົກແມ່ນ້ຳຈໍແດນ ໃນວັນທີ 7 ສິງຫານີ້ ວ່າ: ຊອກດານີຈະສະໜັບສະໜູນປະຊາຊົນ ແລະ ການນຳປາແລັສຕິນຢ່າງຮອບດ້ານ.
ທັງນີ້, ສົມເດັດອັບດຸນລາ ບິນ ອານ ຮຸສເຊອິນ ໄດ້ເດີນທາງຢ້ຽມຢາມປາແລັສຕິນໃນວັນດັ່ງກ່າວ ແລະ ໄດ້ພົບປະກັບທ່ານອັບບັສ ເປັນການພາຍໃນ. ຂະນະທີ່ທ່ານນາບິວ ອາບູ ຣະດາຍນາ ໂຄສົກທຳນຽບປະທານາທິບໍດີປາແລັສຕິນ ໄດ້ຢືນຢັນຫຼັງການພົບປະວ່າ: ເຈົ້າຊີວິດຊອກດານີ ໄດ້ເນັ້ນໃນການພົບປະວ່າ ສະໜັບສະໜູນປະຊາຊົນແລະການນຳປາແລັສຕິນຢ່າງຮອບດ້ານ ໂດຍປະມຸກລັດສອງປະເທດຈະສືບຕໍ່ປະສານງານກັນ ເພື່ອຮ່ວມກັນຮັບມືກັບສິ່ງທ້າທາຍຕ່າງໆ.
ທ່ານຣີຢັດ ມານກີ ລັດຖະມົນຕີກະຊວງການຕ່າງປະເທດປາແລັສຕິນໄດ້ໃຫ້ສຳພາດຕໍ່ນັກຂ່າວຫຼັງການພົບປະດັ່ງກ່າວວ່າ: ສອງຝ່າຍເຫັນດີຈະສ້າງກົນໄກຮ່ວມປະເມີນຄວາມສ່ຽງຂອງບັນຫາສຸເຫຼົ່າອານ ອັກຊາ ທີ່ອາດຈະເກີດວິກິດການ.