wawa170808
|
ເມື່ອສືບທອດມູນເຊື້ອການເຮັດຕຸກກະຕາຣັດເຊຍທີ່ເລີ່ມແຕ່ຕົ້ນສະຕະວັດທີ 19 ແລະໃນໄລຍະດົນນານມານີ້, ຕຸກກະຕາຣັດເຊຍກໍໄດ້ກາຍເປັນຂອງທີ່ລະນຶກທີ່ມີຊື່ສຽງທີ່ສຸດຂອງປະເທດດັ່ງກ່າວ. ໂຮງງານໃນເມືອງເຊມີໂອນົຟ ໄດ້ຜະລິດຕຸກກະຕາຊຸດໜຶ່ງໂດຍຕ້ອງໃຊ້ເວລາເຖິງ 7 ວັນ ແລະເນື່ອງຈາກວ່າຕຸກກະຕາເຫຼົ່ານີ້ລ້ວນແຕ່ເຮັດດ້ວຍມື, ຜົນທີ່ອອກມາຈິ່ງມີຮູບແຕກຕ່າງກັນ. ຮູບຊົງດັ້ງເດີມຂອງຕຸກກະຕາຣັດເຊຍເປັນຮູບໜ້າຜູ້ຍິງທີ່ມີຜ້າພັນຫົວ, ໜ້າແດງ ແລະຂົນຕາຍາວ ເຊິ່ງມັນຊ່າງໜ້າຮັກຫຼາຍ ແລະການເຮັດກໍມີຫຼາຍຂັ້ນຕອນ ບໍ່ວ່າຈະເປັນການແກະສະຫຼັກ, ການລະບາຍສີ, ການຂັດແລະອື່ນໆ.