ວັນທີ 7 ສິງຫານີ້, ທ່ານຫົງນ້ຽງ ເອກອັກຄະລັດຖະທູດຈີນປະຈຳມຽນມາໄດ້ຕາງໜ້າສະພາກາແດງຈີນມອບທຶນ 1 ແສນໂດລາໃຫ້ແກ່ສະພາກາແດງມຽນມາ ເພື່ອຊ່ວຍເຫຼືອປະຊາຊົນຜູ້ປະສົບໄພນ້ຳຖ້ວມ.
ເຈົ້າໜ້າທີ່ສະຫວັດດີການສັງຄົມແລະຈັດສັນຊ່ວຍເຫຼືອມຽນມາເປີດເຜີຍວ່າ, ເມື່ອກ້າວເຂົ້າສູ່ລະດູຝົນ, ໃນ 14 ແຂວງ ແລະ 1 ເຂດໃນທົ່ວປະເທດຢ່າງໜ້ອຍມີ 10 ເຂດແຂວງປະສົບໄພ ໂດຍມາຮອດທ້າຍເດືອນຜ່ານມາ, ປະຊາຊົນທີ່ປະສົບໄພມີຫຼາຍກວ່າ 1 ແສນ 3 ໝື່ນຄົນແລ້ວ, ສ່ວນທ່ານຫົງລ້ຽງກໍກ່າວວ່າ, ເງິນຊ່ວຍເຫຼືອດັ່ງກ່າວຈະສາມາດນຳໄປຊ່ວຍປະຊາຊົນຜູ້ປະສົບໄພຊື້ເຄື່ອງທຳຄວາມສະອາດນ້ຳທີ່ຕ້ອງການບໍລິໂພກຢ່າງຮີບດ່ວນ.
ຂ່າວແຈ້ງວ່າ ໃນໄລຍະມໍ່ໆມານີ້, ມຽນມາຍັງເກີດສະພາບລະບາດໄຂ້ຫວັດໃຫຍ່ H1N1 ໂດຍຢ່າງໜ້ອຍເຮັດໃຫ້ມີຜູ້ເສຍຊີວິດ 13 ຄົນ. ຕໍ່ສະພາບດັ່ງກ່າວທ່ານຫົງລຽງກ່າວຕື່ມວ່າ, ຈີນພວມກະກຽມຊ່ວຍເຫຼືອໂດຍໄວ ຕາມຄວາມຮຽກຮ້ອງຕ້ອງການຂອງປະເທດດັ່ງກ່າວ.