ເຈົ້າໜ້າທີ່ສຳນັກງານເລຂາທິການງານວາງສະແດງສິນຄ້າຈີນ-ອາຊຽນເປີດເຜີຍວ່າ, ປີນີ້ ຈະມີ 8 ປະເທດ ຄື ບຣູໄນ, ກຳປູເຈຍ, ອິນໂດເນເຊຍ, ລາວ, ມາເລເຊຍ, ມຽນມາ, ໄທ ແລະຫວຽດນາມເໝົາຫໍວາງສະແດງ, ຂະນະທີ່ບຣູໄນ ໄດ້ຮັບກຽດເປັນປະເທດກິດຕິມະສັກເໝົາຫໍວາງສະແດງເປັນຄັ້ງທຳອິດ ແລະຫວຽດນາມກໍມີຂະໜາດການວາງສະແດງໃຫຍ່ກວ່າໝູ່, ສ່ວນກາຊັກສະຖານໄດ້ເປັນຄູ່ຮ່ວມມືໄດ້ຮັບເຊີນເປັນພິເສດ.
ງານວາງສະແດງສິນຄ້າຈີນ-ອາຊຽນຄັ້ງທີ 14 ຈະຈັດຂຶ້ນຢູ່ເມືອງໜານໜິງ ສປ ຈີນແຕ່ວັນທີ 12 ຫາ 15 ກັນຍານີ້ ໂດຍເນັ້ນ "ຮ່ວມກັນສ້າງເສັ້ນທາງສາຍໄໝທາງທະເລໃນສະຕະວັດທີ 21 ແລະຊຸກຍູ້ເສດຖະກິດພາກພື້ນເຊື່ອມໂຍງເຂົ້າກັນດ້ວຍການທ່ອງທ່ຽວ".
ເຈົ້າໜ້າທີ່ທ່ານນີ້ກ່າວຕື່ມວ່າ, ງານວາງສະແດງໃນປີນີ້ໄດ້ເພີ່ມເນື້ອທີ່ວາງສະແດງອີກ 1 ໝື່ນ 4 ພັນຕາແມັດ ສົ່ງຜົນໃຫ້ເນື້ອທີ່ວາງສະແດງທັງໝົດມີເຖິງ 1 ແສນ 2 ໝື່ນ 4 ພັນຕາແມັດ, ໃນນີ້ເນື້ອທີ່ວາງສະແດງສະເພາະພາຍໃນປະເທດຈີນມີເຖິງ 8 ໝື່ນ 9 ພັນຕາແມັດ ແລະ 10 ປະເທດໃນອາຊຽນແລະປະເທດອື່ນໆ 3 ໝື່ນ 5 ພັນຕາແມັດ.