ຕອນທ່ຽງວັນທີ 8 ສິງຫານີ້ຕາມເວລາທ້ອງຖິ່ນ, ເຮລິກົບແຕສອງລຳປະຈຳໜ່ວຍທີ 2 ກອງນຳໜ້າຂອງກຳລັງຮັກສາສັນຕິພາບຈີນທີ່ຂຶ້ນກັບອົງການສະຫະປະຊາຊາດນັ້ນລົງຈອດດ້ວຍຄວາມປອດໄພຢູ່ສະໜາມບິນອັນຟາເຊີ ເຂດຮັກສາສັນຕິພາບດາຟູ ພາກຕາເວັນຕົກປະເທດຊູດັງ. ຈາກນີ້, ເຮັດໃຫ້ໜ່ວຍເຮລິກົບແຕຮັກສາສັນຕິພາບໜ່ວຍທຳອິດຂອງຈີນທັງ 4 ລຳໄດ້ເຂົ້າປະຈຳການຢູ່ເຂດດາຟູເພື່ອປະຕິບັດໜ້າທີ່ຢ່າງເປັນທາງການ.
ປັດຈຸບັນ, ເຮລິກົບແຕ 4 ລຳດັ່ງກ່າວນຳໃຊ້ໄດ້ເປັນຢ່າງດີໂດຍບັນລຸມາດຕະຖານໃນການປະຕິບັດໜ້າທີ່ຂອງອົງການສະຫະປະຊາຊາດທຸກດ້ານ ແລະນັກບິນກໍມີຄວາມຊຳນານໃນການຂັບຢູ່ນ່ານຟ້າທີ່ສັບສົນໃຕ້ເງື່ອນໄຂດິນຟ້າອາກາດບໍ່ອຳນວຍທັງມີຄວາມສາມາດສື່ສານໄດ້ດີແລະມີໄຫວພິບຮັບມືກັບທຸກສະພາບການເຊິ່ງທັງໝົດນີ້ໄດ້ຮັບການຢືນຢັນຢ່າງເຕັມທີ່ຈາກຄະນະພິເສດຂອງອົງການສະຫະປະຊາຊາດ-ສະຫະພາບອາຟຣິກກາປະຈຳດາຟູຊູດັງ.