ທ່ານອາມັດ ຈາຮິດ ຮາມີດີ ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງພາຍໃນມາເລເຊຍ ໄດ້ຕອບກະທູ້ຖາມຂອງສະມາຊິກສະພາຫວ່າງບໍ່ດົນມານີ້ວ່າ: ນັບແຕ່ປີ 2013 ຫາວັນທີ 30 ມິຖຸນາປີນີ້, ສາມາດຈັບຜູ້ຕ້ອງສົງໄສທີ່ກ່ຽວຂ້ອງກັບການເຄື່ອນໄຫວກໍ່ການຮ້າຍຂອງກຸ່ມຫົວຮຸນແຮງ IS ໄດ້ 310 ຄົນ ໃນນີ້ມີພົນລະເມືອງມາເລເຊຍເອງ 258 ຄົນ ແລະ ອີກ 50 ຄົນເປັນພົນລະເມືອງຂອງ 14 ປະເທດ.
ເນື່ອງຈາກລັດຖະບານມາເລເຊຍໃຊ້ມາດຕະການປາບປາມການເຄື່ອນໄຫວກໍ່ການຮ້າຍ ຂອງກຸ່ມ IS ທຸກຮູບແບບແລະເຂັ້ມງວດທີ່ສຸດ ຈຶ່ງຖືກຂົ່ມຂູ່ຈາກກຸ່ມດັ່ງກ່າວມາໂດຍຕະຫຼອດ ດັ່ງເມື່ອເດືອນມິຖຸນາປີຜ່ານມາ, ຢູ່ປະເທດດັ່ງກ່າວໄດ້ເກີດເຫດການຫຼອນໂຈມຕີກໍ່ການຮ້າຍ ໂດຍສະມາຊິກກຸ່ມ IS ໄດ້ໃຊ້ລະເບີດມືໂຈມຕີຮ້ານກິນດື່ມແຫ່ງໜຶ່ງຢູ່ລັດເຊລານກໍ ສົ່ງຜົນເຮັດໃຫ້ 8 ຄົນບາດເຈັບ.