ທ່ານອາລານ ປີເຕີ ຄາເຢຕາໂນ ລັດຖະມົນຕີກະຊວງການຕ່າງປະເທດຟິລິບປິນ ໄດ້ກ່າວໃນພິທີຖະແຫຼງຂ່າວໃນວັນທີ 8 ສິງຫານີ້ວ່າ: ສັນຕິພາບ ແລະ ສະຖຽນລະພາບເປັນສິ່ງສຳຄັນທີ່ສຸດຢູ່ທະເລຈີນໃຕ້ ແລະຟິລິບປິນກໍຫວັງວ່າຢູ່ທະເລຈີນໃຕ້ຈະບໍ່ມີການວິວາດກັນຄັ້ງໃໝ່. ຂະນະທີ່ເມື່ອມໍ່ໆມານີ້, ອາເມລິກາ, ຍີ່ປຸ່ນ ແລະ ອົສຕຣາລີ ໄດ້ອອກຖະແຫຼງການຕ່າງຫາກກ່ຽວກັບບັນຫາທະເລຈີນໃຕ້ນັ້ນ, ທ່ານຄາເຢຕາໂນ ກ່າວວ່າ: ປະເທດຕົນເປັນປະເທດອະທິປະໄຕທີ່ເປັນເອກະລາດ ຈຶ່ງບໍ່ຈຳເປັນໃຫ້ປະເທດອື່ນມາບອກວ່າຄວນເຮັດຫຍັງ.
ຂ່າວລາຍງານຕື່ມວ່າ: ທ່ານຄາເຢຕາໂນ ໄດ້ສະຫຼຸບບັນດາກອງປະຊຸມລັດຖະມົນຕີຕ່າງປະເທດອາຊຽນວ່າ: ສັນຕິພາບແລະສະຖຽນລະພາບເປັນສິ່ງສຳຄັນທີ່ສຸດຢູ່ທະເລຈີນໃຕ້ ເຖິງວ່າປະເທດຕ່າງໆມີຄວາມຂັດແຍ້ງກັນກ່ຽວກັບອະທິປະໄຕເໜືອທະເລຈີນໃຕ້, ແຕ່ກໍບໍ່ຄວນໃຫ້ຄວາມຂັດແຍ້ງດັ່ງກ່າວກະທົບເຖິງສາຍພົວພັນທີ່ດີລະຫວ່າງປະເທດກັບປະເທດ ແລະ ປັດຈຸບັນ, ຈີນແລະປະເທດໃນອາຊຽນພວມພັດທະນາກ້າວເດີນໄປຕາມເສັ້ນທາງທີ່ດີ.