ທ່ານນາຈິບ ຕຸນ ຣາຊັກ ນາຍົກລັດຖະມົນຕີມາເລເຊຍ ກ່າວໃນວັນທີ 8 ສິງຫານີ້ວ່າ: ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຈະສາມາດປ່ຽນແປງເສດຖະກິດໃນພາກພື້ນຢ່າງໃຫຍ່ຫຼວງ ແລະ ສ້າງໂອກາດໃໝ່ໃຫ້ແກ່ການຄ້າແລະການລົງທຶນ.
ທ່ານນາຈິບ ຕຸນ ຣາຊັກ ໄດ້ໃຫ້ທັດສະນະດັ່ງກ່າວ ຂະນະເຂົ້າຮ່ວມເວທີປຶກສາຫາລືເສດຖະກິດໃນວັນດັ່ງກ່າວ ທັງກ່າວດ້ວຍຄວາມເຊື່ອໝັ້ນວ່າ ສຳລັບເສດຖະກິດໃນພາກພື້ນນັ້ນ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຈະເຮັດໃຫ້ເກີດການປ່ຽນແປງຢ່າງໃຫຍ່ຫຼວງ ໂດຍສາມາດສ້າງໂອກາດທາງການຄ້າແລະການລົງທຶນທີ່ໃຫຍ່ຫຼວງ ໂດຍຜ່ານການປັບປຸງການເຊື່ອມຈອດທັງທາງບົກແລະທາງທະເລ.
ທ່ານນາຈິບ ກ່າວຕື່ມວ່າ: ປະເທດຕົນແລະຈີນໄດ້ເຊັນສັນຍາຮ່ວມມືຫຼາຍສະບັບ, ຂະນະທີ່ຈີນມີຄຳໝັ້ນສັນຍາໃນການລົງທຶນຕໍ່ມາເລເຊຍນັ້ນ ແມ່ນໝາກຜົນທີ່ໄດ້ຮັບໃນການພັດທະນາສາຍພົວພັນລະຫວ່າງສອງປະເທດ. ແນວໃດກໍດີ, ຈີນແມ່ນກຸ່ມເສດຖະກິດໃຫຍ່ອັນດັບສອງຂອງໂລກ ທີ່ມາເລເຊຍບໍ່ມີເຫດຜົນໃດທີ່ຈະປະຕິເສດການລົງທຶນຈາກຈີນ.