ວັນທີ6ສິງຫານີ້, ພິທີເຊັນ "ບົດບັນທຶກຄວາມເຂົ້າໃຈສູນຈີນ-ອາຊຽນສະບັບປັບປຸງ"ໄດ້ຈັດຂຶ້ນຢູ່ນະຄອນຫຼວງມານີລາປະເທດຟິລິບປິນ. ລັດຖະມົນຕີຕ່າງປະເທດຫຼືຜູ້ຕາງໜ້າຂອງຈີນແລະ10 ປະເທດອາຊຽນໄດ້ເຂົ້າຮ່ວມພິທີ່ດັ່ງກ່າວ, ທ່ານວາງອີ້ ລັດຖະມົນຕີກະຊວງການຕ່າງປະເທດຈີນແລະ ລັດຖະມົນຕີຕ່າງປະເທດ ຫຼືຜູ້ຕາງໜ້າ 10 ປະເທດອາຊຽນຕ່າງກໍໄດ້ລົງນາມໃນບົດບັນທຶກດັ່ງກ່າວ. ຝ່າຍຕ່າງໆປາຖະໜາສູນຈີນ-ອາຊຽນປະກອບສ່ວນຫຼາຍກວ່າເກົ່າເຂົ້າໃນການລົງເລິກການຮ່ວມມືສອງຝ່າຍ.
"ບົດບັນທຶກຄວາມເຂົ້າໃຈລະຫວ່າງສປຈີນກັບລັດຖະບານປະເທດສະມາຊິກອາຊຽນກ່ຽວກັບການສ້າງຕັ້ງສູນຈີນ-ອາຊຽນ"ໄດ້ລົງນາມຢູ່ຫົວຫິນຂອງປະເທດໄທໃນວັນທີ25ຕຸລາປີ2009. ການເຊັນ "ບົດບັນທຶກຄວາມເຂົ້າໃຈສະບັບປັບປຸງ"ຄັ້ງນີ້ໄດ້ກຳນົດວ່າ, ສູນຈີນ-ອາຊຽນເປັນສູນຂໍ້ມູນແລະການເຄື່ອນໄຫວແບບປະຕູດຽວ, ໂດຍສຸມໃສ່ຊຸກຍູ້ການຮ່ວມມືລະຫວ່າງຈີນກັບອາຊຽນໃນຂົງເຂດການຄ້າ ການລົງທຶນ, ການທ່ອງທ່ຽວ, ການສຶກສາ, ວັດທະນະທຳແລະສື່ຂໍ້ມູນຂ່າວສານ. "ບົດບັນທຶກຄວາມເຂົ້າໃຈສູນຈີນ-ອາຊຽນສະບັບປັບປຸງ"ຈະທົດທຶນບົດບັນແທນຄວາມເຂົ້າໃຈສະບັບປີ2009ຫຼັງຈາກບັນດາຝ່າຍສຳເລັດຂັ້ນຕອນທີ່ກ່ຽວຂ້ອງແລະບັງເກີດຜົນສັກສິດ.