ທ່ານຄາມັດ ຜູ້ວ່າການທະນາຄານພັດທະນາໃໝ່ບຣິກສ(BRICS)ເປີດເຜີຍຢູ່ຊຽງໄຮໃນວັນທີ 9 ສິງຫານີ້ວ່າ: ທະນາຄານຕົນຈະເປີດສາຂາປະຈຳພາກພື້ນແຫ່ງທຳອິດຢູ່ອາຟຣິກກາໃຕ້ໃນວັນທີ 17 ສິງຫານີ້ ເຊິ່ງສາຂາດັ່ງກ່າວຈະຊ່ວຍຊຸກຍູ້ການປະຕິບັດແລະກຽມໂຄງການຢູ່ອາຟຣິກກາໃຫ້ມີປະສິດທິຜົນຫຼາຍກວ່າເກົ່າຈົນກາຍເປັນປ່ອງຢ້ຽມຫັນໜ້າສູ່ອາຟຣິກກາ.
ທ່ານຄາມັດກ່າວວ່າ, ຕາມແຜນງານໃນ 5 ປີຕໍ່ໜ້າ, ຄາດວ່າ ເງິນກູ້ 2/3 ຈະນຳໃຊ້ເຂົ້າໃນການກໍ່ສ້າງພື້ນຖານໂຄງການເພື່ອການພັດທະນາແບບຍືນຍົງ. ສ່ວນຂະບວນການພັດທະນາຂອງກຸ່ມເສດຖະກິດທີ່ພັດທະນາໃໝ່ໂດຍມີຈີນເປັນຕົວແທນນັ້ນສະແດງໃຫ້ເຫັນຢ່າງເຕັມທີ່ເຖິງຄວາມສຳຄັນຂອງການພັດທະນາແບບຍືນຍົງ ແລະການສະໜັບສະໜູນການກໍ່ສ້າງພື້ນຖານໂຄງລ່າງແບບຍືນຍົງມີຄວາມສຳຄັນຫຼາຍສຳລັບປະເທດສະມາຊິກບຣິກສ ທັງເປັນຄວາມຫວັງທີ່ທະນາຄານຕົນຈະລົງທຶນເຂົ້າໃນຂົງເຂດນີ້ຫຼາຍກວ່ເກົ່າ.