ສື່ມວນຊົນອີຣານລາຍງານໃນວັນທີ 10 ສິງຫານີ້ວ່າ: ທ່ານຮາຊັນ ຣູຮານີ ປະທານາທິບໍດີອີຣານໄດ້ແຕ່ງຕັ້ງຮອງປະທານາທິບໍດີເພດຍິງ 3 ທ່ານຄື ທ່ານນາງມາຊູເມ ເອັບເຕຄາ ຊີ້ນຳວຽກງານແມ່ຍິງແລະຄອບຄົວ, ທ່ານນາງລາຢາ ໂຈເນດີ ຊີ້ນຳວຽກງານກົດໝາຍ ແລະທ່ານນາງຊາຣິນໂດເຮິດ ໂມລາເວີດີ ເປັນທີ່ປຶກສາກົດໝາຍແພ່ງຂອງປະທານາທິບໍດີ.
ທ່ານຣູຮານີຖືກເບິ່ງວ່າເປັນນັກການເມືອງຝ່າຍນິ້ມນວນຂອງອີຣານ, ໃນການຫາສຽງ ເລືອກຕັ້ງນັ້ນ,ທ່ານໄດ້ເນັ້ນບົດບາດສຳຄັນຂອງແມ່ຍິງໃນສັງຄົມ ແລະນີ້ຄືມາດຕະການສຳຄັນທີ່ທ່ານວາງອອກຫຼັງສາບານຕົວຂຶ້ນຮັບຕຳແໜ່ງປະທານາທິບໍດີອີຣານອີກວາລະໜຶ່ງໃນວັນທີ 5 ເດືອນນີ້.